ரஜினியின் 171 படத்தில் சிவகார்த்திகேயன் இணைந்து நடிக்க இருப்பதாக தகவல்கள் வருகின்றன.
நடிகர் ரஜினி ஜெயிலர் திரைப்படம் மாபெரும் வெற்றிபெற்றதை அடுத்து ஜெய் பீம் இயக்குனர் ஞானவேலின் இயக்கத்தில் தலைவர் 170 படத்தில் நடித்து வருகின்றார்.
இப்படத்தின் படப்பிடிப்பு விறுவிறுப்பாக நடைபெற்று வரும் நிலையில் அடுத்தாண்டு மார்ச் மாதத்தில் லோகேஷ் கனகராஜின் இயக்கத்தில் தலைவர் 171 படத்தில் சூப்பர் ஸ்டார் நடிக்கவுள்ளார்.
லோகேஷ் கனகராஜ் இயக்கத்தில் இந்திய திரையுலகே எதிர்பார்த்து காத்துக்கொண்டிருக்கும் தலைவர் 171 படத்திற்கு அனிருத் இசையமைக்க உள்ளார். இதன் அறிவிப்பு சில மாதங்களுக்கு முன்பு வெளியாகி ரசிகர்கள் மத்தியில் உற்சாகத்தை ஏற்படுத்தியது.
குறிப்பாக கைதி, விக்ரம், மாஸ்டர், லியோ என மெகாஹிட் வெற்றிகளை கொடுத்த லோகேஷ், ரஜினிக்கும் ஒரு தரமான வெற்றியை கொடுப்பார் என்றே எதிர்பார்க்கப்படுகின்றது.
மேலும் இப்படத்தை பற்றி லோகேஷ் பேசுகையில், தலைவர் 171 வித்யாசமான ஒரு முயற்சியாக இருக்கும் என்றும், இப்படத்தின் ஸ்டார் காஸ்டிங் பிரமாண்டமாக இருக்கும் என பேசியிருந்தார்.
இந்நிலையில் தலைவர் 171 திரைப்படத்தில் சிவகார்த்திகேயன் நடிக்க இருப்பதாக தகவல் வெளியாகி உள்ளது.
