ஜெயிலர் படத்தின் காவாலா பாடலுக்கு நடிகை சன்னி லியோன் நடனமாடிய வீடியோ தற்போது இணையத்தில் வைரலாகி வருகிறது.
கடந்த ஆகஸ்ட் 10ம் தேதி சன் பிக்சர்ஸ் தயாரிப்பில் நெல்சன் இயக்கத்தில் சூப்பர்ஸ்டார் ரஜினிகாந்த் நடிப்பில் வெளியானது ஜெயிலர் திரைப்படம்
இந்த படத்தில், தமனா, சிவராஜ்குமார், மோகன்லால், ஜாக்கி ஷெராஃப், தமன்னா, ரம்யா கிருஷ்ணன் உள்ளிட்ட பலர் நடித்திருந்த நிலையில், திரையரங்குகளில் வெளியாகி வெற்றிகரமாக 600 கோடி வரை வசூல் சாதனை செய்தது.
மேலும் இந்த படத்தில், அனிருத் இசையில் காவாலா பாடலுக்கு தமன்னா தாறுமாறாக நடனமாடியுள்ள நிலையில், பாடல் வெளியான 2 மாதங்களில் 199 மில்லியன் பார்வைகளைக் கடந்து டிரெண்டிங்கில் உள்ளது.
அதுமட்டுமல்லால் காவாலா பாட்டுக்கு ஏஐ தொழில்நுட்பம் மூலமாக சிம்ரன், காஜல் அகர்வால், கீர்த்தி சுரேஷ், கியாரா அத்வானி உள்ளிட்ட பல பிரபல நடிகைகள் நடனம் ஆடுவது போன்ற எடிட்களை போட்டும் வைரலாக்கினர்.
இந்நிலையில், காவாலா பாடலுக்கான வைப் ஓய்ந்து விட்டது என நினைத்த ரசிகர்களுக்கு திடீரென நடிகை சன்னி லியோன் இன்ப அதிர்ச்சி கொடுத்துள்ளார். சன்னி லியோன் தனது இன்ஸ்டாகிராம் பக்கத்தில் காவாலா பாடலுக்கு நடனமாடி பிராக்டீஸ் செய்யும் வீடியோவை வெளியிட்டுள்ளார்.
அந்த வீடியோவுடன் பதிவு ஒன்றையும் வெளியிட்டுள்ளார். அதில், “ஸ்டெப்ஸ் எல்லாம் சொதப்பிடுச்சு..ஸாரி காவாலா பாட்டுக்கு தப்பு தப்பா ஸ்டெப்ஸ் போட்டு ஆடுறேன்னு தெரியுது.. ஆனால், கடைசி வீடியோவில் எல்லாத்தையும் சரி செய்து விடுவேன் என நம்புகிறேன். சீக்கிரமே உங்களுக்கு பெரிய சர்ப்ரைஸ் காத்துக் கொண்டிருக்கிறது” என்ற கேப்ஷனையும் போட்டுள்ளார்.
https://www.instagram.com/reel/CxxiGpCP5RQ/?utm_source=ig_web_copy_link
