ரிஷிகேஷில் உள்ள சுவாமி தயானந்த சரஸ்வதி ஆசிரமத்தில் நடிகர் ரஜினிகாந்த்(rajnikanth)இருக்கும் புகைபடங்கள் இணையத்தில் வைரலாகி வருகிறது.
இயக்குநர் நெல்சன் இயக்கத்தில் 2 ஆண்டுகள் இடைவெளிக்குப் பிறகு ரஜினி(rajnikanth),ரம்யா கிருஷ்ணன்,வஸந்த் ரவி,விநாயகன்,மோகன்லால், தமன்னா, ஜாக்கி ஷெராப், ஷிவ ராஜ்குமார் ஆகியோர் நடித்திருக்கும் திரைப்படம் தான் ஜெயிலர்.
இந்த திரைப்படம் உலகமெங்கும் நேற்று வெளியாகி வரவேற்பை நல்ல பெற்றுள்ளது.இப்படத்திற்கு அனிருத் இசையமைத்து உள்ளார். மேலும் சன் பிக்சர்ஸ் நிறுவனம் தயாரித்துள்ளது.
இந்த நிலையில் படம் வெளியாவதற்கு முதல் நாள் ரஜினி(rajnikanth), இமயமலை பயணத்திற்காக புறப்பட்டு சென்றார். சென்னையிலிருந்து பெங்களூரு சென்ற ரஜினி அங்கிருந்து தனது நண்பர்களுடன் இமயமலை புறப்பட்டார்.
இதனை தொடர்ந்து உத்தரகண்ட் மாநிலம், ரிஷிகேஷ் சென்ற ரஜினி சுவாமி தயானந்த சரஸ்வதி ஆசிரமத்திற்கு சென்றவர் அங்குள்ள துறவிகளை சந்தித்து அவர்களிடம் ஆசி பெற்றார்.
பின்னர் அவர்களுக்கு உணவு அளித்தார்.இதுதொடர்பான போட்டோக்கள், வீடியோக்கள் சமூகவலைதளங்களில் வைரலானது.
