கோயம்பேட்டில் இருந்தே பேருந்துகளை இயக்க அனுமதிகோரி ஆம்னி பேருந்து (omni bus) உரிமையாளர்கள் உச்ச நீதிமன்றத்தில் தாக்கல் செய்த மனு தள்ளுபடி செய்யப்பட்டுள்ளது.
சென்னையின் புறநகர் பகுதியான கிளாம்பாக்கத்தில் தென் மாவட்டங்களுக்கான பேருந்து நிலையம் திறக்கப்பட்டுள்ளது.
சென்னையில் போக்குவரத்து நெரிசலை தவிர்க்கும் வகையில் நவீன தொழில்நுட்ப வசதிகளுடன் அமைக்கப்பட்ட இந்த பேருந்து நிலையத்தை, கடந்த டிசம்பர் 30ம் தேதி முதல்வர் மு.க ஸ்டாலின் திறந்து வைத்தார்.
இதையும் படிங்க : SV shekhar -க்கு 1 மாதம் சிறை – நீதிபதி அதிரடி
இதனை அடுத்து கிளாம்பாக்கம் பஸ் நிலையத்தில் இருந்து தென் மாவட்டங்களுக்கு செல்லும் அனைத்து ஆம்னி பஸ்களும் இயக்கப்பட வேண்டும் என கடந்த ஜன 24ல் போக்குவரத்து துறை உத்தரவிட்டது.
கிளாம்பாக்கம் பேருந்து நிலையத்தில் ஆம்னி பேருந்துகளை நிறுத்த போதிய இடவசதி இல்லை என குற்றம் சாட்டிய ஆம்னி பேருந்து உரிமையாளர்கள்,
கோயம்பேட்டில் இருந்தே பேருந்துகளை இயக்க அனுமதிக்க வேண்டும் என கோரிக்கை விடுத்தனர்.
ஆனால் அவர்களது கோரிக்கையை போக்குவரத்து துறை நிராகரித்தது.
இதனை எதிர்த்து ஆம்னி பேருந்து உரிமையாளர்கள் சென்னை உயர் நீதிமன்றத்தில் மனு தாக்கல் செய்திருந்தனர்.
சென்னை உயர்நீதிமன்றமும் கோயம்பேட்டில் இருந்து தற்காலிகமாக ஆம்னி பேருந்துகளை(omni bus) இயக்க அனுமதி அளித்தது.
இந்த நிலையில் ஆம்னி பேருந்துகள் உரிமையாளர்கள் சங்கம் தாக்கல் செய்த வழக்கு சென்னை உயர் நீதிமன்றத்தில் நடந்து கொண்டிருக்கும் நிலையில்,
திடீரென ஆம்னி பேருந்து உரிமையாளர்கள் சங்கம் இது குறித்த மனுவை உச்சநீதிமன்றத்தில் தாக்கல் செய்தனர்.
https://x.com/ITamilTVNews/status/1759472569068208553?s=20
இந்த வழக்கு இன்று விசாரணைக்கு வந்த நிலையில் இந்த மனுவை உச்ச நீதிமன்றம் தள்ளுபடி செய்துள்ளது.
இவ்வழக்கு உயர் நீதிமன்றத்தில் விசாரணையில் இருக்கும் போது, ஏன் உச்ச நீதிமன்றம் தலையிட வேண்டும்.
இதையும் படிங்க : TN Budget 2024-25 : மீள முடியாத கடன் வலையில் தமிழ்நாடு – அன்புமணி காட்டம்!
உயர் நீதிமன்றத்தில் வழக்கு விசாரணைக்கு வரும் போது உங்கள் வாதங்களை முன்வைக்கலாம் என கூறி வழக்கை முடித்து வைத்தனர்.