டி20 உலக கோப்பை தொடரின் முதல் அரையிறுதி போட்டியில் ஆப்கானிஸ்தான் அணியை வீழ்த்திய தென்னாப்பிரிக்கா அணி முதல் முறையாக இறுதிப்போட்டிக்கு முன்னேறியுள்ளது.
வெஸ்ட் இண்டீஸ் நாட்டில் உள்ள Brian Lara Cricket மைதானத்தில் இன்று நடைபெற்ற முதல் அரையிறுதி போட்டியில் ஆப்கானிஸ்தான் – தென்னாப்பிரிக்கா அணிகள் மோதியது.
இந்த போட்டியில் தென்னாப்பிரிக்கா அணிக்கு எதிராக டாஸ் வென்ற ஆப்கானிஸ்தான் அணி முதலில் பேட்டிங் செய்ய முடிவு செய்தது .
இதையடுத்து முதலில் பேட்டிங் செய்த ஆப்கானிஸ்தான் அணியை தனது அசத்தல் பந்துவீச்சால் தென்னாப்பிரிக்கா திக்குமுக்காட வைத்தது.
Also Read : நிலவின் மண், பாறை மாதிரிகளுடன் பூமிக்கு திரும்பியது சாங் இ-6 விண்கலம்…!!
வெறும் 11.5 ஓவர்கள் மட்டுமே தாக்குபிடித்த ஆப்கானிஸ்தான் அணி 56 ரன்கள் மட்டுமே எடுத்த நிலையில் அனைத்து விக்கெட்டுகளையும் இழந்தது . இதையடுத்து 57 ரன்கள் எடுத்தால் வெற்றி என்ற இலக்குடன் களமிறங்கிய தென்னாப்பிரிக்கா அணி 1 விக்கெட் மட்டுமே இழந்து 9 ஓவருக்குள் ஆட்டத்தை முடித்தது.
இந்த வெற்றியின் மூலம் தென்னாப்பிரிக்கா அணி முதல் முறையாக டி20 உலக கோப்பை தொடரின் இறுதிப்போட்டிக்கு முன்னேறியுள்ளது.