அஜித்தின் ‘விடாமுயற்சி’ படத்தில் கதாநாயகியாக தமன்னா நடிக்க உள்ளதாக தகவல்கள் வெளியாகியுள்ளது.
துணிவு திரைப்படத்தை தொடர்ந்து நடிகர் அஜித், தன்னுடைய 62 ஆவது திரைப்படமான விடாமுயற்சி திரைப்படத்தில் நடிக்க இருக்கிறார். தடையறத் தாக்க’, ‘மீகாமன்’, ‘தடம்’ உள்ளிட்ட வெற்றிப்படங்களை இயக்கியுள்ள மகிழ் திருமேனி இந்த படத்தை இயக்ககுகிறார்.
லைகா புரொடக்ஷன்ஸ் தயாரிக்கவுள்ள இந்த படத்தில் ,13 ஆண்டுகளுக்கு பிறகு அஜித் இரட்டை வேடத்தில் நடிக்கப்போகிறார் என்ற தகவல் வெளியானது. அந்தப் படத்திற்கான முதற்கட்ட பணிகள் நடைபெற்று வந்தன. மேலும் படப்பிடிப்பு தொடங்குவதற்காக வேலைகளும் நடைபெற்றன.
இந்தப் படத்தில் ‘கைதி’, ‘மாஸ்டர்’ படங்களில் வில்லனாக நடித்து பிரபலமான நடிகர் அர்ஜூன் தாஸ் வில்லனாக நடிக்க ஒப்பந்தம் செய்யப்பட்டுள்ளதாக கூறப்படுகிறது. மேலும் அஜித்தின் இந்தப் படத்தில் காதல் காட்சிகளுக்கும் முக்கியத்துவம் அளிக்கும் வகையில் காட்சிகளை அமைக்க உள்ளதாகவும் கூறப்படுகிறது.
இந்நிலையில், அஜித்தின் ‘விடாமுயற்சி’ படத்தில் கதாநாயகியாக தமன்னா நடிக்க உள்ளதாக தகவல்கள் வெளியாகியுள்ளது. முன்னதாக இந்த படத்தில் த்ரிஷா கதாநாயகியாக நடிக்க இருப்பதாக கூறப்பட்ட நிலையில் சில காரணங்களினால் த்ரிஷா விலகிய நிலையில் தற்போது தமன்னா நடிக்க உள்ளதாக தகவல்கள் வெளியாகியுள்ளது.
மேலும் முக்கிய கதாப்பாத்திரத்தில் நடிகை த்ரிஷாவை நடிக்க வைக்க பேச்சுவார்த்தை நடைபெற்று வருவதாகவும் கோலிவுட் வட்டாரங்களில் தகவல்கள் தெரிவிக்கின்றன.
