அமைச்சர் செந்தில்பாலாஜி( Senthil balaji)சென்னை முதன்மை அமர்வு நீதிமன்றத்தில் தாக்கல் செய்த ஜாமீன் மனு சென்னை உயர்நீதிமன்றம் தள்ளுபடி செய்துள்ளது.
சட்டவிரோத பண பரிமாற்ற குற்றத்தின் அடிப்படையில் பணி நியமனங்களுக்கு பணம் பெற்றது தொடர்பான குற்றச்சாட்டில் அமலாக்கத்துறையால் கைது செய்யப்பட்ட செந்தில் பாலாஜி தற்போது நீதிமன்ற காவலில் புழல் சிறையில் அடைக்கப்பட்டுள்ளார்.
இந்த நிலையில் ,கடந்த அக்.9ஆம் தேதிதிடீர் உடல் நலக் குறைவு ஏற்பட்டதால் அவர் சென்னை ஸ்டான்லி மருத்துவமனையில் சிகிச்சை பெற்று மீண்டும் புழல் சிறைக்கு திரும்பினார். தொடர்ந்து அக்.10ஆம் தேதி ஜாமீன் வழங்க வேண்டும் என சென்னை உயர் நீதிமன்றத்தில் செந்தில்பாலாஜி தரப்பில் மனு தாக்கல் செய்யப்பட்டது.
அந்த மனுவில்,உடல்நல குறைவால் தொடர்ந்து பாதிக்கப்பட்டு உள்ளதாகவும், அறுவைசிகிச்சைக்கு பின்னர் முழுமையாக குணமடையாத நிலையில் உள்ளதாகவும், சிறையில் இருந்தவாறு சிகிச்சை மேற்கொள்ள சிரமாக உள்ளதாக அந்த மனுவில் தெரிவிக்கப்பட்டு உள்ளது.
இந்த மனுவை மூத்த வழக்கறிஞர் NRஇளங்கோவன் நீதிபதி ஜெயசந்திரன் அவர்களிடம் அவசர வழக்காக விசாரிக்குமாறு கோரிக்கை வைக்கப்பட்டது.
இந்த நிலையில், வழக்கு சென்னை உயர்நீதிமன்ற நீதிபதி ஜெயச்சந்திரன் முன்னிலையில் இன்று விசாரணைக்கு வந்தது. அப்போது அமலாக்கத்துறை கால அவகாசம் கேட்டதால் வழக்கு விசாரணை அக்.16ஆம் தேதிக்கு ஒத்தி வைக்கப்பட்டது.
அமைச்சர் மருத்துவமனையில் சிகிச்சை பெற வேண்டிய நிலையில் உள்ளதாகவும் உடல் நிலையை கருத்தில் கொண்டு ஜாமீன் தர வேண்டும் எனவும் அமைச்சர் தரப்பில் வாதிடப்பட்டது.
இதனை கடுமையாயக எதிர்த்த அமலாக்கத்துறை இலக்கா அல்லாத அமைச்சராக உள்ள செந்தில்பாலாஜி ஜாமீனில் சென்றால் வழக்கு விசாரணையைச் சீர்குலைக்க முயற்சிப்பார் என வாதிடப்பட்டது.
இதையடுத்து இருதரப்பு வதங்களியும் கேட்ட நீதிபதி ஜெயச்சந்திரன், சாட்சிகளை கலைக்க வாய்ப்பு இருப்பதால் செந்தில் பாலாஜிக்கு மருத்துவக் காரணங்களுக்காக கூட ஜாமின் வழங்க முடியாது திட்டவட்டமாக தெரிவித்து அவரது ஜாமீன் மனுவை தள்ளுபடி செய்து உத்தரவிட்டார்.