மீஞ்சூர் சலீம் கைது விவகாரம் குறித்து, காவல்துறையை, தங்கள் ஏவல்துறையாகப் பயன்படுத்தும் போக்கை (DMK uses the police), தி.மு.க. இத்தோடு நிறுத்திக் கொள்ள வேண்டும் என்று பாரதிய ஜனதா கட்சியின் மாநிலத் தலைவர் அண்ணாமலை விமர்சித்துள்ளார்.
இதுகுறித்து மீஞ்சூர் சலீம் கைது செய்யப்பட்டதற்கு எதிர்ப்பு தெரிவித்து பா.ஜ.க.மாநில தலைவர் அண்ணாமலை தனது எக்ஸ் தளத்தில் வெளியிட்டுள்ள பதிவில் தெரிவித்திருப்பதாவது..
தி.மு.க.வின் இரட்டை வேடத்தையும், பிரிவினைவாத அரசியலையும் சமூக வலைத்தளங்களில் தொடர்ந்து அம்பலப்படுத்தி வந்த சகோதரர் மீஞ்சூர் சலீமை பெங்களூரு விமான நிலையம் வரைச் சென்று கைது செய்திருக்கிறது தமிழக காவல்துறை.
இதையும் படிங்க : தேமுதிக – அதிமுக கூட்டணி உறுதியா? – “யார் சொன்னாலும் நம்பாதீங்க..!”
அரசியலமைப்புச் சட்டம் வழங்கும் அடிப்படை உரிமையான கருத்துச் சுதந்திரத்தைத் தொடர்ந்து ஒடுக்க முயற்சிக்கும் தரங்கெட்ட தி.மு.க. அரசை வன்மையாகக் கண்டிக்கிறோம்.
போதைப் பொருள்கள் விற்பவர்களுக்கும், கஞ்சா, கள்ளச்சாராயம் விற்பவர்களுக்கும், கட்சிப் பதவி கொடுத்து அழகு பார்க்கும் தி.மு.க.சமூக வலைத்தளங்களில் தி.மு.க.வை விமர்சிப்பவர்களை மட்டும், வெளிமாநிலங்களுக்குக் கூட, தேடிச் சென்று கைது செய்வதை வாடிக்கையாக வைத்திருக்கிறது.
இதையும் படிங்க : 2ஆம் உலகத் தமிழ்ச் செம்மொழி மாநாடு – முதல்வர் மு.க ஸ்டாலின் அறிவிப்பு!
ஸ்காட்லாந்து காவல்துறைக்கு இணையான தமிழகக் காவல்துறை, திமுக ஆட்சியில், சமூக விரோதிகளை எல்லாம் விட்டுவிட்டு, சமூக வலைத்தளங்களின் குரலை முடக்க மட்டுமே பயன்படுத்தப்படுவது, வருத்தத்திற்குரியதும்,
காவல்துறையின் மாண்பை களங்கப்படுத்துவதும் ஆகும். காவல்துறையை, தங்கள் ஏவல்துறையாகப் பயன்படுத்தும் போக்கை, தி.மு.க. (DMK uses the police) இத்தோடு நிறுத்திக் கொள்ள வேண்டும் என்று வலியுறுத்துகிறேன்.” என தெரிவித்துள்ளார்.
