ஆழ்கடலில் நிகழ்ந்த அதிசயம்… மர்ம இடத்திற்கு அழைத்து சென்ற ஆக்டோபஸ் : வைரல் வீடியோ!

(Octopus taken to a mysterious place) நம் கண்களுக்கு புலப்படாத ஆழ்கடலில் மனித சிந்தனைகளுக்கும் அப்பாற்பட்ட பல அதிசய உயிரினங்கள் வசித்து வருகின்றன.

அவ்வாறான உயிரினங்கள் பற்றியும், அவற்றின் வாழ்க்கை முறைகள், வசிப்பிடங்கள் உள்ளிட்டவற்றை ஆய்வு செய்வதற்காக விஞ்ஞானிகள் கடலுக்குள் செல்வது வழக்கம்.

அப்படி ஆழ்கடலில் ஆய்வு செய்வதற்காக பெண் விஞ்ஞானி ஒருவர் கடலின் ஆழத்திற்கு சென்றபோது, வியப்பூட்டும் சம்பவம் ஒன்று நடந்து உள்ளது.

அந்த பெண் விஞ்ஞானி, கடலுக்குள் நீந்தி செல்வதற்கேற்ற ஆடை மற்றும் பிராணவாயு உள்ளிட்ட பாதுகாப்பு உபகரணங்கள் உதவியுடன், கைகள் மற்றும் கால்களை மூடியபடி சென்றுள்ளார்.

அப்போது அவர் கடலின் ஆழத்தில் இருந்தபோது, ஆக்டோபஸ் ஒன்று அவரை சுற்றி, சுற்றி வந்துள்ளது. அந்த ஆக்டோபஸ் பெண் விஞ்ஞானியின் கையை பிடித்து, இழுத்துள்ளது.

இதையும் படிங்க : Big Boss Tamil 8 : எப்போது? போட்டியார்கள் விவரம்!

அதன் பின்னர் அது கடலுக்குள் ஒரு குறிப்பிட்ட பகுதியை நோக்கி முன்னேறி சென்றது. அந்த பெண்ணும் ஆக்டோபஸ் பின் தொடர்ந்து சென்றுள்ளார்.

ஒரு கட்டத்தில் முன்னே சென்ற ஆக்டோபஸ், அந்த பெண் பின்னால் வருகிறாரா? என்பதற்காக சற்று நின்று திரும்பி பார்க்கிறது. அவர் பின்னால் வருவது உறுதியானதும் மீண்டும் முன்னேறி செல்கிறது.

ஒருவழியாக, 2 உலோக கம்பிகளின் நடுவே தரையில் கல் பொருத்தப்பட்ட ஒரு பகுதிக்கு அந்த ஆக்டோபஸ் செல்கிறது. அங்கெ ஒரு கல் இருக்கிறது. அந்த கல்லின் மையத்தில் ஆண் ஒருவர் கையில் நாய் குட்டியுடன் இருக்கும் படம் ஒன்று இருக்கிறது.

அந்த படத்தில் இருப்பவர் ஆழ்கடலில் ஆய்வு செய்ய சென்ற அந்த பெண்ணின் நண்பருடைய தந்தை. அதனை பார்த்து அந்த பெண் அதிர்ச்சியில் உறைந்து போனார்.

அந்த அக்டோபஸின் செயல் அந்த பெண்ணை அதிர்ச்சியில் தள்ளியுள்ளது Octopus taken to a mysterious place.

இதுபற்றி அந்த பெண் விஞ்ஞானி கூறும்போது, நான் மிகவும் உணர்ச்சி வசப்பட்ட தருணம் அது. இந்த புத்திசாலியான உயிரினம் என்னை அந்த பகுதிக்கு அழைத்து சென்றது.

என்னை போன்றே ஒரு மனிதரை அது அடையாளம் கண்டு கொண்டதா? என்பன போன்ற நிறைய கேள்விகள் எனக்குள் எழுந்தன.

இதில் ஆச்சரியப்படக்கூடிய விசயம் என்னவென்றால், ஆக்டோபஸ் என்ன நினைக்கிறது என என்னால் யூகிக்கக்கூட முடியவில்லை என்று அவர் கூறியுள்ளார்.

மனிதர் ஒருவரை பார்த்ததும் அவரை போன்ற உருவம் கொண்ட புகைப்படம் இருந்த பகுதிக்கு, அந்த பெண்ணின் கையை பிடித்து, ஆக்டோபஸ் இழுத்து சென்று அடையாளம் காட்டியது தொடர்பான வீடியோ அனைவரையும் ஆச்சரியத்தில் ஆழ்த்தி உள்ளது.