கட்சிகள் கேட்பது கிடைக்கவில்லை.. சின்னம் ஒதுக்குவதில் கம்பு சுற்றும் தேர்தல் ஆணையம் Election Commission..
தேர்தலைப் பொறுத்தவரை ஒவ்வொரு அரசியல் கட்சிக்கும் சின்னங்கள் முக்கியத்துவம் வாய்ந்ததாகும். வாக்காளர்கள் கட்சியின் பெயரை மறந்தாலும் சின்னங்களை நினைவில் வைத்திருப்பார்கள்.
திமுக என்றால் உதயசூரியன், அதிமுக என்றால் இரட்டை இலை என்பது போல காங்கிரஸுக்கு கை, பாரதிய ஜனதாவிற்கு தாமரை, பா.ம.கவிற்கு மாம்பழம், மார்க்சிய கம்யூனிஸ்ட் கட்சிக்கு அரிவாள் சுத்தியல், இந்திய கம்யூனிஸ்ட் கட்சிக்கு கதிர் அரிவாள்… இப்படி பல கட்சிகளும், சின்னத்தின் காரணமாக மக்கள் மத்தியில இடம்பிடித்துக் கொண்டு இருக்கின்றன.
ஒரே கட்சியில், ஒரே சின்னத்தில் பலவருடமாக போட்டியிட்ட வேட்பாளர், மாற்றுக் கட்சியில் சேர்ந்து போட்டியிடும்போது, அவருக்கு ஆதரவு அளிப்பதாகக் கூறி வேட்பாளரின் ஏற்கனவே இருந்த கட்சியின் சின்னத்திற்கு ஓட்டளித்த அதிசயங்களும் இந்த தமிழகத்தில் அரங்கேறி உள்ளது.
அந்த அளவுக்கு கட்சியையும், வேட்பாளரையும் மக்கள் சின்னத்தின் அடிப்படையில் நினைவில் வைத்திருக்கிறார்கள். .
அதனால்தான் அரசியல் கட்சிகள் தங்களது சின்னங்களைத் தக்க வைத்துக் கொள்வதில் ரொம்பவும் மெனக்கெடுகிறார்கள். சமீப கால நிகழ்வாக ஓ.பி.எஸ். மற்றும் ஈ.பி.எஸ். தரப்பு இரட்டை இலை சின்னத்தையும், கட்சி கொடியையும் கைப்பற்றுவதற்காக முட்டி மோதியது எல்லாம் கண்கூடு.
தற்போது மக்களவை தேர்தல் அறிவித்த நிலையில், சில கட்சிகளின் வேட்பாளர்களுக்கு அவர்களது சின்னங்களை வழங்குவதில் நடக்கும் இழுபறிகளும், அதற்காக அவர்கள் நீதிமன்றங்களை நாடுவதும் பரபரப்பாகிக் கொண்டுதான் இருக்கின்றன.
நாம் தமிழர் கட்சியின் கரும்பு விவசாயி சின்னம் வேறொரு கட்சிக்கு கொடுக்கப்பட்டதால், அதனை மீட்கப் போராடியும் கிடைக்காததால், தற்போது ஒலிவாங்கி (மைக்) சின்னத்தில் போட்டியிடுகிறார்கள்.
![Election Commission](https://i0.wp.com/itamiltv.com/wp-content/uploads/2023/02/1500x900_933242-seeman-09.png?resize=1024%2C614&ssl=1)
வேட்பாளர்களுக்கு சின்னம் வேண்டாம், எண் கொடுத்தா போதும் என்று சொல்லும் சீமானையே சின்னப் பிரச்சனை புலம்ப வைத்துவிட்டது.
அதிமுக கூட்டணியில் தென்காசியில் போட்டியிடும் புதிய தமிழகம் கிருஷ்ணசாமியும் கூட, தனிச் சின்னம் கேட்டும் கிடைக்காததால், இரட்டை இலை சின்னத்தில் களம் காண்கிறார்.
திமுக கூட்டணியில் திருச்சியில் போட்டியிடும் மதிமுக வேட்பாளர் துரை வையாபுரி, “நான் செத்தாலும் எங்க கட்சியோட சின்னத்துலதான் போட்டியிடுவேன்’’ என்று கண்ணீர் விட்டு கதறியும், அவருக்கு பம்பரம் சின்னம் இல்லை என்று தேர்தல் ஆணையம் Election Commission கைய விரித்து விட்டது.
![Election Commission](https://i0.wp.com/itamiltv.com/wp-content/uploads/2024/03/WhatsApp-Image-2024-03-22-at-5.46.56-PM.jpeg?resize=794%2C542&ssl=1)
அதனால் தீப்பெட்டி அல்லது கேஸ் சிலிண்டர் சின்னம் வழங்குபடி கேட்டிருக்கிறார்கள். ஒருவேளை சின்னம் கிடைக்காவிடில், உதயசூரியன் சின்னத்திலேயே துரைவையாபுரி போட்டியிடும் சூழல் நிலவுகிறது.
இதே போன்று, திமுக கூட்டணியில் சிதம்பரம் தொகுதியில் போட்டியிடும் விடுதலை சிறுத்தைகள் கட்சி வேட்பாளர் திருமாவளவனும்,
கடந்த எம்.பி தேர்தலில் தனக்கு தரப்பட்ட பானை சின்னத்தை மீண்டும் வழங்கக் கோரி டெல்லி உயர்நீதிமன்றம் வழியாக தேர்தல் ஆணையத்தில் கேட்ட நிலையிலும், தேர்தல் ஆணையம் பானை சின்னம் தர இயலாது என்று தெரிவித்துள்ளது.
பா.ஜ.க. கூட்டணியில் ராமநாதபுரம் தொகுதியில் போட்டியிடுற முன்னாள் முதலமைச்சர் ஓ.பன்னீர்செல்வம், இரட்டை இலை சின்னத்துக்காக முயன்றும் கிடைக்காததால், வாளி, பலாப்பழம் அல்லது திராட்சை பழம் சின்னத்தில் ஒன்றை வழங்க கேட்டுள்ளார்…
![Election Commission](https://i0.wp.com/itamiltv.com/wp-content/uploads/2022/12/ops-cry-93946150.jpg?resize=791%2C563&ssl=1)
30ஆம் தேதி இறுதி வேட்பாளர்கள் பட்டியல் வெளியாக உள்ளது. அதற்குள் இந்த சின்னம் பிரச்சனைக்கு முடிவுக்கு வந்துவிடும்Election Commission.
கட்சிகள் கேட்டது கிடைக்குமா அல்லது தேர்தல் ஆணையம் கொடுப்பதை வாங்கிக் கொள்கிறார்கள் என்று அப்போது தெரிந்து விடும்.
ஐ தமிழ் செய்திகளுக்காக ஆசாத்.
இதையும் படிங்க : ”டெல்லியில் ஜனாதிபதி ஆட்சியா..?” – திடீரென பரவும் அதிர்வலைகள்..!