மாரி செல்வராஜ் இயக்கத்தில் உருவாகி உள்ள வாழை படத்தின் ட்ரைலர் வெளியாகி ரசிகர்களின் கவனத்தை வெகுவாக ஈர்த்து வருகிறது.
தமிழ் சினிமா கண்டெடுத்த பல முத்தான இயக்குநர்களில் ஒருவராக வலம் வருபவர் மாரி செல்வராஜ் .
படிப்பறிவு , நாகரிக வளர்ச்சி , சமூக நீதி உள்ளிட்ட நாட்டுக்கு தேவையான விஷயங்களை இன்றைய தலைமுறைகளுக்கு விழிப்புணர்வாய் கொண்டு சேர்க்கும் படங்களை தொடர்ந்து இயக்கி வரும் இவரது இயக்கத்தில் கடைசியாக வெளியான திரைப்படம் மாமன்னன் .
Also Read : தமிழகத்தில் இன்று 13 மாவட்டங்களில் கனமழைக்கு வாய்ப்பு – வானிலை ஆய்வு மையம் எச்சரிக்கை
இதையடுத்து இவரது இயக்கத்தில் அடுத்ததாக திரைக்கு வர இருக்கும் படமே வாழை . கிராமத்து மனம் மாறாத இப்படத்தில் கலையரசன், நிகிலா விமல், திவ்யா துரைசாமி, பிரியங்கா உள்ளிட்டோர் முக்கிய கதாபாத்திரத்தில் நடித்துள்ளனர்.
சந்தோஷ் நாராயணன் இசையில் உருவாகி உள்ள இந்த படத்தின் பாடல்கள் தொடர்ந்து வெளியாகி வரும் நிலையில் நேற்று இப்படத்தின் ட்ரைலரை படக்குழு வெளியிட்டுள்ளது.
ஏராளமான திரை நட்சத்திரங்கள் இப்படத்தின் ட்ரைலர் வெளியீடு விழாவில் கலந்துகொண்டு வாழை படத்தின் ட்ரைலரை வெளியிட்டுள்ளனர்.
