நீட் விலக்கு கையெழுத்து இயக்கத்திற்காக திமுக இளைஞரணி செயலாளரும் இளைஞர் நலன் மற்றும் விளையாட்டு துறை அமைச்சருமான உதயநிதி ஸ்டாலின் சென்னை அசோக் நகரில் உள்ள விடுதலை சிறுத்தைகள் கட்சியின் தலைமை அலுவலகமாக அம்பேத்கர் திடலில், கட்சியின் தலைவரும் சிதம்பரம் நாடாளுமன்ற உறுப்பினருமான முனைவர் தொல். திருமாவளவன்(thirumavalavan) அவர்களை சந்தித்து ஆதரவுக்கு கோரினார்.
![](https://i0.wp.com/itamiltv.com/wp-content/uploads/2023/11/image-240.png?resize=1024%2C614&ssl=1)
இதில் விசிக தலைவர் தொல் திருமாவளவன், துரை.ரவிக்குமார் எம் பி, சட்டமன்ற உறுப்பினர்கள் எஸ். எஸ். பாலாஜி, ஆளூர் ஷாநவாஸ், பனையூர் மு பாபு உள்ளிட்ட ஏராளமானோர் நீட் விளக்கு கையெழுத்து இயக்கத்திற்கு ஆதரவளித்து குடியரசுத் தலைவருக்கு அனுப்பவுள்ள ப.டிவத்தில் கையெழுத்திட்டனர்.
பின்னர் செய்தியாளர்களை சந்தித்த அமைச்சர் உதயநிதி ஸ்டாலின்:
நாங்கள் உண்மையாக போராடி வருகிறோம், எதிர்க்கட்சியாக இருக்கும் போது ஒன்று ஆளுங்கட்சியாக இருக்கும் போது ஒன்று என்று இல்லை.இது திமுக பிரச்னை மட்டும் இல்லை.தேசிய அளவில் இந்தியா கூட்டணி கட்சி தலைவர்களை சந்தித்து கையெழுத்து பெருவீர்களா? என்ற கேள்விக்கு,
![](https://i0.wp.com/itamiltv.com/wp-content/uploads/2023/11/image-241.png?resize=1024%2C504&ssl=1)
முதலில் தமிழ்நாட்டில் உள்ள பிரச்சினையை தீர்க்க வேண்டும். தொடர்ந்து முயற்சி செய்வோம்.சனாதன மாநாட்டில் பேசியதற்கு உயர் நீதிமன்ற நீதிபதி கருத்து குறித்த கேள்விக்கு,அம்பேத்கர் பெரியார் பேசியதை விட தவறாக ஒன்றும் பேச வில்லை நான் பேசியது தவறு இல்லை.
அமைச்சர் பதவி இன்று வரும் நாளை போகும், முதலில் மனிதனாக இருக்க வேண்டும் .6 வருடங்களாக நீட் தேர்வு விலக்கு வேண்டும் என்று கோரிக்கை வைத்து சட்டமன்றத்தில் பேசி வருகிறோம். மாணவர்களை குழப்பும் எண்ணம் இல்லை.
![](https://i0.wp.com/itamiltv.com/wp-content/uploads/2023/11/image-242.png?resize=1024%2C694&ssl=1)
இலங்கையில் முதலமைச்சர் காணொளி ஒளிபரப்பவில்லை என்ற கேள்விக்கு,அதற்கு முதலமைச்சர் பதில் சொல்வார்.முதலமைச்சருக்கு இரண்டு நாட்கள் காய்ச்சல் இருந்தது நாளை அனேகமாக நிகழ்வுகளில் பங்கேற்கலாம்.
விடுதலை சிறுத்தைகள் கட்சித் தலைவர் தொல் திருமாவளவன் செய்தியாளர்களிடம் பேசும்போது,நீட் விலக்கு கோரும் இந்த கையெழுத்து இயக்கத்தில் விடுதலை சிறுத்தைகள் முழுமையாக பங்கெடுக்கிறது, அனைவரும் உடனிருந்து இதில் பங்கேற்க வேண்டும் என்று கேட்டுக்கொள்கிறேன்.