ரெட் ஜெயன்ட் மூவீஸ் தயாரிப்பில், உதயநிதி ஸ்டாலின், வடிவேலு, பஹத் பாசில், கீர்த்தி சுரேஷ் நடிப்பில் இயக்குனர் மாரி செல்வராஜ் இயக்கத்தில் உருவான ‘மாமன்னன்’ திரைப்படம் வசூலில் சாதனை படைத்து வருகிறது.
ரெட் ஜெயண்ட் நிறுவனம் தயாரிபில், இயக்குனர் மாரி செல்வராஜ் இயக்கத்தில், ஏ.ஆர்.ரஹ்மான் இசையில் பல முக்கிய கதாபாத்திரங்கள் நடித்து வெளிவந்த திரைப்படம் மாமன்னன்.
ஜூன் 29-ம் தேதி திரையரங்குகளில் வெளிவந்த இந்த படம் விமர்சகர்கள் மற்றும் ரசிகர்கள் இடையே கலவையான விமர்சனங்களைப் பெற்றாலும் வசூல் ரீதியாக வெற்றி படமாக மாறி வருகிறது.
இதையடுத்து தற்போது, இந்த படத்தின் வெற்றியை கொண்டாடும் வகையில் உதயநிதி ஸ்டாலின், மாரி செல்வராஜ்க்கு மினி கூப்பர் கார் ஒன்றை அன்பளிப்பாக அளித்துள்ளார். இது தொடர்பான புகைப்படங்களை தனது டுவிட்டர் பக்கத்தில் உதயநிதி பகிர்ந்துள்ளார்.
இது தொடர்பாக உதயநிதி டுவிட்டர் பக்கத்தில் வெளியிட்ட பதிவு..
“ஒவ்வொருவரும் ஒவ்வொரு விதமாக விவாதிக்கிறார்கள். தங்களுடைய எண்ணங்களை கதையுடனும் களத்துடனும் தொடர்புபடுத்தி கருத்துகளை பகிர்கிறார்கள். உலகத் தமிழர்களிடையே விவாதத்துக்குரிய கருப்பொருளாக மாறியிருக்கிறது. நம் தலைவர்கள் ஊட்டிய சுயமரியாதை உணர்வை, சமூகநீதி சிந்தனைகளை இளம் தலைமுறையினரிடம் விதைத்துள்ளது.
வணிக ரீதியாகவும் மிகப்பெரிய வெற்றி. ரெட் ஜெயண்ட் மூவிஸ் நிறுவனம், மாரி செல்வராஜ்க்கு மினி கூப்பர் கார் வழங்கி மகிழ்ந்தது. உலகம் முழுவதும் பறக்க ‘மாமன்னன்’-க்கு றெக்கை அளித்த என் மாரி செல்வராஜ்க்கு நன்றி” என பதிவிட்டுள்ளார்.
ரெட் ஜெயன்ட் மூவீஸ் நிறுவனம், இயக்குனர் மாரி செல்வராஜ் அவர்களுக்கு பரிசாக மினி கூப்பர் காரை வழங்கிய நிகழ்வின் போது உதயநிதி ஸ்டாலின், ரெட் ஜெயன்ட் மூவீஸ் இணை தயாரிப்பாளர்கள் M.செண்பகமூர்த்தி, R. அர்ஜுன் துரை, ரெட் ஜெயன்ட் மூவீஸ் விநியோக நிர்வாகி C.ராஜா ஆகியோர் இருந்தனர்.
