தமிழகத்தில் மின்கட்டணம் உயர்வுக்கு காரணமே அதிமுக தான் என தமிழ்நாடு நிதியமைச்சர் அமைச்சர் தங்கம் தென்னரசு தெரிவித்துள்ளார்.
சென்னையில் இன்று செய்தியாளர்களை சந்தித்த அமைச்சர் தங்கம் தென்னரசு கூறியதாவது :
தமிழகத்தில் மின்கட்டணம் உயர்வுக்கு காரணமே அதிமுக தான் . உதய் மின் திட்டத்தில் தமிழ்நாட்டை இணைத்து கையெழுத்திட்டது எடப்பாடி பழனிசாமி ஆட்சியில் தான். உதய் மின் திட்டத்தில் இணைந்து, அதிமுக பற்ற வைத்த தீ தான் தற்போதைய மின் கட்டண உயர்வுக்கு காரணம்.
Also Read : பெண்கள், இளைஞர்கள், விவசாயிகளுக்கு பட்ஜெட்டில் முக்கியத்துவம் – வானதி சீனிவாசன்
நிதி சுமையை சரிகட்டவே கட்டண உயர்வு செய்துள்ளோம். அதிமுக ஆட்சியில் பலமுறை மின் கட்டணம் உயர்த்தப்பட்டது. மற்ற மாநிலங்களை ஒப்பிடுகையில் தமிழகத்தில்தான் மிக குறைந்த அளவில் மின் கட்டணம் நிர்ணயம் செய்யப்பட்டுள்ளது என அமைச்சர் தங்கம் தென்னரசு தெரிவித்துள்ளார்.