ஈரோடு கிழக்கு சட்டப்பேரவை தொகுதியின் இடைத்தேர்தல் (Erode by election) அறிவிப்பை தொடர்ந்து தேர்தல் களமானது சூடுபிடிக்க ஆரம்பித்துள்ளது. அதிமுகவில் ஒற்றை தலைமை விவகாரத்தில் ஓபிஎஸ்-ஈபிஎஸ் என இரு அணிகளாக செயல்பட்டு கொண்டிருக்கின்றனர்.
ஈபிஎஸ் தரப்பினர் இடைத்தேர்தலில் போட்டியிடுவதற்கான முழு வீச்சில் தயாராகி வருகின்றனர்.இந்த நிலையில் ஓ.பன்னீர் செல்வமும் செந்தில் முருகன் போட்டியிடுவார் எனவும், பாஜக போட்டியிட்டால் தங்களின் வேட்பாளர் திரும்ப பெறுவார் எனவும் அறிவித்தார்.
இதனை தொடர்ந்து பாஜக தலைவர் அண்ணாமலை யாருக்கு ஆதரவளிப்பது என்ற குழப்பத்தில் நேற்று டெல்லி சென்றார். மேலும் பாஜக தேசிய தலைவர் ஜே.பி. நட்டாவை சந்தித்து தமிழ்நாட்டில் நடக்க இருக்கும் ஈரோடு இடைதேர்தல் நிலவரம் குறித்து பேசியதாக கூறப்படுகிறது.
இதையடுத்து டெல்லி பயணத்திற்கு பிறகு அண்ணாமலை இன்று எடப்பாடி பழனிசாமியை அவரது இல்லத்தில் சந்தித்தார்.தற்பொழுது ஈரோடு கிழக்கு இடைத்தேர்தலில் யாருக்கு ஆதரவு என்ற கேள்வி எழுந்த நிலையில்,அண்ணாமலை மற்றும் எடப்பாடி சந்திப்பு முக்கியதுவம் வாய்ந்ததாக பரக்கபடுகிறது.
மேலும் இந்த சந்திப்பில் கரு.நாகராஜன், தமிழக தேர்தல் பொறுப்பாளர் சி.டி ரவி ஆகியோர் கலந்து கொண்டனர்.