தமிழகத்தில் இருந்து ஏதாவது ஒழிப்பு தேவை என்றால் அது தி.மு.க தான் – அண்ணாமலை விமர்சனம்

திமுக இந்த சமூகத்திற்கு பிடித்திருக்கும் நோய். இவர்கள் அகற்றப்பட வேண்டும். இந்த நாட்டிலிருந்த ஒழிக்கப்பட வேண்டியது DMK என்ற டெங்கு மலேரியா கொசு தான். விரைவில் பொதுமக்கள் இந்த நோயை அகற்றுவார்கள் என தமிழக பாஜக தலைவர் அண்ணாமலை தெரிவித்துள்ளார்

இதுகுறித்து தனது ட்விட்டர் பக்கத்தில் பதிவிட்டுள்ள அண்ணாமலை கூறிருப்பதாவது :

திமுக ஆட்சிக்கு வந்ததும், பேபி அணையைப் பழுது பார்த்து, பின்பு முல்லைப்பெரியாறு நீர்மட்டம் உயர்த்துவோம். பழுதுபார்க்கும் வேலையை தொடங்கிவிட்டோம் என்று சென்ற ஆண்டு சென்றார்களே, பழுதுபார்த்துவிட்டார்களா? இப்படி பொய்யை மட்டுமே பேசிக்கொண்டு சுத்தும் திமுகவை மக்கள் கேள்வி கேட்டால், திசை திருப்ப ஹிந்து வெறுப்பு பிரச்சாரம் செய்து மடைமாற்றுவார்கள்.

தெய்வதிருமகனார் தேவர் ஐயா, சாமி இல்லேன்னு சொல்ற பயலுகள் எல்லாம் எதுக்காக கோவிலுக்குள் வந்து பேசுறான்கள் என்று கர்ஜித்தார். இன்று அவர் இருந்திருந்தால், திமுகவினர் இப்படி இந்து மத எதிர்ப்புப் பிரச்சாரம் செய்துகொண்டு இருந்திருக்க மாட்டார்கள். சனாதனத்தை ஒழிப்போம் என்று சொன்னால், பசும்பொன் தேவர் மீண்டும் பிறந்து வந்து திமுகவினரை உரிய இடத்தில் நிறுத்தியிருப்பார்.

திமுக இந்த சமூகத்திற்கு பிடித்திருக்கும் நோய். இவர்கள் அகற்றப்படவேண்டும். இந்த நாட்டிலிருந்த ஒழிக்கப்படவேண்டியது DMK என்ற டெங்கு மலேரியா கொசு தான். விரைவில் பொதுமக்கள் இந்த நோயை அகற்றுவார்கள்.

வரும் பாராளுமன்றத் தேர்தலில், மாண்புமிகு பாரதப் பிரதமர் தலைமையிலான மத்திய அரசு, மூன்றாவது முறையாக மீண்டும் ஆட்சியமைக்கப் போவது உறுதி. தமிழகமும் அதில் பெரும்பங்கு வகிக்கும் என்பதில் ஐயமில்லை என தனது ட்விட்டர் பதிவில் அண்ணாமலை குறிப்பிட்டுள்ளார்.