அரசுக்கு வருவாய் இழப்பை ஏற்படுத்தும் வகையில் போலி பில் தயாரித்து வணிகம் செய்வோர்களின் GST registration முடக்கப்படும் என வணிகவரி மற்றும் பதிவுத்துறை அமைச்சர் மூர்த்தி கடுமையான எச்சரிக்கை விடுத்துள்ளார்.
இதுகுறித்து வெளியிடப்பட்டுள்ள செய்தியில் கூறிருப்பதாவது :
வணிகவரி மற்றும் பதிவுத்துறை அமைச்சர் திரு.பி மூர்த்தி அவர்கள் தலைமையில் இன்று (09.02.2024) சென்னை நந்தனம் ஒருங்கிணைந்த வணிகவரி வளாகக் கூட்டரங்கில்
2024 ஆம் ஆண்டு ஜனவரி மாதத்திற்கான அனைத்து இணை ஆணையர்களின் பணித்திறன் குறித்த ஆய்வுக்கூட்டம் நடைபெற்றது.
அரசுக்கு வருவாய் இழப்பு ஏற்படுத்தும் வகையில் போலி பில் பட்டியல் தயாரித்து வணிகம் செய்வோர்கள் மீது உரிய நடவடுக்கை எடுக்கவும்.
தொடர்ந்து முறைகேட்டில் ஈடுபடுவோர் கண்காணிக்கப்பட்டு அவர்களின் GST registration முடக்கம் செய்யவும் அமைச்சர் அவர்கள் அதிகாரிகளுக்கு உத்தரவிட்டார்.
மேலும், புதியதாக உருவாக்கப்பட்ட நிர்வாகக் கோட்டங்களின் மூலம் வரி வருவாய் அதிகரிக்க வேண்டும் என்பதை நினைவில் கொண்டு அனைத்து இணை ஆணையர்களும் வரி வருவாயை பெருக்க
உரிய முறையில் செய்வாற்றவும், அனைத்து நிறுவனங்களிலும் கூடுதல் சுவனம் செலுத்தி இணை ஆணையர்கள் உரிய நடவடிக்கை எடுத்து அரசு நிர்ணயித்த வருவாய் இலக்கினை அடையவேண்டும் என அமைச்சர் அவர்கள் அறிவுறுத்தினார்கள்.
இக்கூட்டத்தில் அரசுச்செயலாளர் வணிகவரி திருமதி. மற்றும் ஜோடு பதிவுத்துறை நிர்மலாசாமி இ.ஆ.ப. வணிகவரித்துறை ஆணையர் முனைவர் டி. ஜகந்நாதன். இ.ஆ.ப.,
கூடுதல் ஆணையர் அதிக வரிச்செலுத்துவோர் பிரிவு/ இணை ஆணையர் நிர்வாகம் (மு.கூ பொ) திருமதி. பி. உமா மகேஸ்வரி. இஆப், மற்றும் வணிகவரித்துறை உயர் அலுவலர்கள் கலந்துகொண்டனர்.
ஏற்கனவே தமிழகத்தில் ஊழல் தலைவிரித்து ஆடி வருவதாக செய்திகள் வெளியாகி வரும் நிலையில் இதனை இரும்புக்கரம் கொண்டு ஒடுக்க தமிழ்நாடு அரசு தீவிரமாக செயல் பட்டு வருகிறது.
Also Read : https://itamiltv.com/today-500-special-buses-runs-in-tamil-nadu/
இருப்பினும் அரசு என்னதான் பல திட்டங்களை வகுத்து பல கண்காணிப்பு குழுக்களை நியமித்து தீவிரம் காட்டி வந்தாலும் ஊழல் செய்யும் பெருச்சாளிகள் ஊழல் பணத்தில் கொழுத்து போய் தான் வருகிறார்கள்.
5 வருடங்களுக்கு ஒரு முறை ஆட்சி மாறி வந்தாலும் இன்று வரை ஊழல் ஒழிந்தபாடு இல்லை என்பது யாராலும் மறுக்கவும் மறைக்கவும் முடியாத உண்மை.
