கரூரில் அதிமுக முன்னாள் அமைச்சர் எம்.ஆர்.விஜயபாஸ்கரின் வீடு மற்றும் அலுவலகங்களில் சிபிசிஐடி போலீசார் இரண்டாவது முறையாக சோதனையில் ஈடுபட்டு வருகின்றனர்.
கரூர் மாவட்டத்தை சேர்ந்த பிரகாஷ் என்பவர் தோரணக்கல்பட்டி மற்றும் குன்னம்பட்டியில் தனக்கு சொந்தமான ரூ.100 கோடி மதிப்புள்ள 22 ஏக்கர் நிலத்தை அதிமுக முன்னாள் அமைச்சர் எம்.ஆர்.விஜயபாஸ்கர் மற்றும் அவரது ஆதரவாளர்கள் மிரட்டி பத்திரப்பதிவு செய்துள்ளதாக காவல் நிலையத்தில் புகார் அளித்தார். இந்த வழக்கு சிபிசிஐடி விசாரணைக்கு மாற்றப்பட்டது.
இந்நிலையில் முன்னாள் அமைச்சர் எம்.ஆர்.விஜயபாஸ்கரை போலீசார் தேடி வரும் நிலையில் தற்போது கரூரில் உள்ள முன்னாள் அமைச்சர் எம்.ஆர்.விஜயபாஸ்கரின் வீடு மற்றும் அலுவலகங்களில் சிபிசிஐடி போலீசார் சோதனை நடத்தி வருகின்றனர்.
Also Read : ஜிம்பாப்வே அணிக்கு எதிரான முதல் டி20 போட்டியில் இந்தியா பரிதாப தோல்வி..!!
கரூர் – கோவை ரோடு என்.எஸ்.ஆர் நகர் அடுக்குமாடி குடியிருப்பில் உள்ள எம்.ஆர்.விஜயபாஸ்கரின் வீடு மற்றும் ரெயின்போ நகரில் உள்ள சாயப்பட்டறை அலுவலகம், ரெயின்போ அப்பார்ட்மெண்டில் உள்ள அவரது தம்பி சேகர் வீடு உள்ளிட்ட இடங்களில் சிபிசிஐடி போலீசார் அதிரடி சோதனையில் ஈடுபட்டு வருகின்றனர்.
ஒருபக்கம் கரூரில் சோதனை நடைபெற்று வரும் நிலையில் மறுபக்கம் சென்னையில் உள்ள எம்.ஆர்.விஜயபாஸ்கரின் வீட்டிலும் சிபிசிஐடி போலீசார் சோதனை மேற்கொண்டு வருகின்றனர்.