சுவிட்சர்லாந்தில் நடைபெறும் டைமண்ட் லீக் தடகள போட்டியில் பங்கேற்க இருக்கும் இந்தியாவின் தங்கமகனான நீரஜ் சோப்ரா புதிய சாதனை படைக்க நாட்டு மக்கள் அனைவரும் வாழ்த்து தெரிவித்து வருகின்றனர் .
நட்சத்திர வீரர், வீராங்கனைகள் கலந்துகொள்ளும் டைமண்ட் லீக் தடகள போட்டி சுவிட்சர்லாந்து நாட்டின் சூரிச் நகரில் இன்று கோலாகலமாக நடைபெற உள்ளது . உலக நாடுகள் உற்றுநோக்கும் இந்த பிரம்மாண்ட தொடரில் கடந்த வாரம் ஹங்கேரி நாட்டில் நடைபெற்ற உலக தடகள சாம்பியன்ஷிப் போட்டியின் ஈட்டி எறிதலில் தங்கப்பதக்கம் வென்று வரலாறு படைத்த இந்தியாவின் தங்கமகனான வீரர் நீரஜ் சோப்ரா பங்கேற்க உள்ளார் .
ஒலிம்பிக் மற்றும் உலக தடகள சாம்பியன்ஷிப் என ஜாம்பவான்கள் பங்கேற்கும் இரண்டு தொடரிலும் ஈட்டி எறிதலில் தங்கம் வென்ற 3-வது வீரர் என்ற சரித்திரம் படைத்த நீரஜ் சோப்ரா இன்று நடைபெறும் இந்த டைமண்ட் லீக் தடகள போட்டியிலும் புதிய சாதனை படைக்க நாட்டு மக்கள் அரசியல் தலைவர்கள் திரை பிரபலங்கள் என பலரும் வாழ்த்து தெரிவித்து வருகின்றனர்.
இதற்கு முன் தோகா நாட்டில் நடைபெற்ற டைமண்ட் லீக், லாசானே டைமண்ட் லீக் லிம்பிக் மற்றும் உலக தடகள சாம்பியன்ஷிப் உள்ளிட்ட போட்டிகளில் தங்க பதக்கம் வென்று வெற்றி வாகை சூடிய நீரஜ் சோப்ரா இந்த தொடரிலும் தனது ஆதிக்கத்தை தொடருவாரா என்பதை நாம் காத்திருந்து பார்க்கலாம் .
