கல்வி உதவித்தொகையுடன் தமிழ்ச்சுவடியியல் மாணவர்கள் சேர்க்கை தொடங்க உள்ளதால், அதற்கான எழுத்து தேர்வு ஏப்ரல் 13ம் தேதி உலகத் தமிழாராய்ச்சி நிறுவனத்தில் நடைபெற உள்ளது.
உலகத் தமிழாராய்ச்சி நிறுவனத்தால் இதுவரை பலநூறு ஓலைச்சுவடிகள் களப்பணி வாயிலாக கணக்கெடுக்கப்பட்டு நிறுவனத்தில் அமைக்கப்பட்டுள்ள ஓலைச்சுவடிகள் பாதுகாப்பு மையத்தில் பாதுகாக்கப்பட்டு வருகின்றன. பாதுகாக்கப்பட்டு வரும் ஓலைச்சுவடிகளை அறிந்து தெரிந்து கொண்டு நூலாக்கம் செய்யும் வகையில் தமிழ்சுவடி இயல் மற்றும் பதிப்பியல் பட்டயப்படிப்பு உலகத் தமிழாராய்ச்சி நிறுவனத்தில் 2013ஆம் ஆண்டு முதல் தொடங்கப்பட்டு சிறப்பாக நடத்தப்பட்டு வருகிறது.
இது குறித்து உலக தமிழாராய்ச்சி நிறுவனம் வெளியிட்டுள்ள அறிவிப்பில்
உலக தமிழாராய்ச்சி நிறுவனத்தில் கடந்த 2013ம் ஆண்டு முதல் தமிழ்ச் சுவடியியல் மற்றும் பதிப்பியல் பட்டயப் படிப்பு நடத்தப்பட்டு வருகிறது. இந்த படிப்புகளில் தற்போது மாணவர் சேர்க்கை தொடங்க உள்ளதால், அதற்கான எழுத்து தேர்வு ஏப்ரல் 13ம் தேதி உலகத் தமிழாராய்ச்சி நிறுவனத்தில் நடைபெற உள்ளது.
இந்த படிப்புகளில் சேர விரும்புவோர் இந்நிறுவனத்தின் www.ulakththamizh.in என்ற இணைய தளத்தில் இருந்து விண்ணப்பங்களை பதிவிறக்கம் செய்து கொள்ளலாம். அல்லது நேரிலும் பெற்றுக் கொள்ளலாம்.
இந்த படிப்புகளுக்கான ரூ.3100 சேர்க்கை கட்டணம். கல்வித்தகுதி குறைந்தபட்சம் 10ம் வகுப்பு தேர்ச்சி பெற்றிருக்க வேண்டும். வயது வரம்பு ஏதும் கிடையாது. விண்ணப்பங்களை பூர்த்தி செய்து Director, International Institute of Tamil Studies என்ற பெயரில் டிடியும், பள்ளி கல்விச் சான்று மற்றும் மாற்றுச் சான்று நகல்கள் இணைத்து நேரிலோ அல்லது தபால் மூலமாகவோ அனுப்ப வேண்டும்.
அத்துடன் வாட்ஸ்அப் எண் குறிப்பிட்டும் அனுப்ப வேண்டும். விண்ணப்பங்கள் ஏப்ரல் 11ம் தேதிக்குள் வந்து சேர வேண்டும். வகுப்புகள் ஏப்ரல் 27ம் தேதி முதல் நேரடியாக நடக்கும். இதுகுறித்து கூடுதல் தகவல் பெற விரும்புவோர் 044-22542992 என்ற எண்ணிலும் தொடர்பு கொள்ளலாம்.
