நடிகர் விஜய்யின் தி கோட் படம் திரையரங்குகளில் வெளியாகி வெற்றிகரமாக ஓடிக்கொண்டிருக்கும் நிலையில் தற்போது இப்படம் இதுவரை செய்துள்ள வசூல் குறித்த விவரம் வெளியாகி உள்ளது.
தமிழ் சினிமாவில் பிரபல தயாரிப்பு நிறுவனமாக விளங்கி வரும் AGS நிறுவனத்தின் மாபெரும் பொருட் செலவில் தயாரிக்கப்பட்டுள்ள திரைப்படமே தி கோட்.
வெங்கட் பிரபு இயக்கத்தில் விஜய் நடிப்பில் உருவாகி உள்ள இப்படத்தில் விஜய்யுடன் சேர்ந்து இப்படத்தில் பிரஷாந்த் , பிரபுதேவா , சினேகா உள்ளிட்ட பல முன்னணி நட்சத்திரங்கள் நடித்துள்ளனர்.
யுவன் ஷங்கர் ராஜா இசையமைத்துள்ள இப்படம் கடந்த 5 ஆம் தேதி உலகம் முழுவது, உள்ள திரையரங்குகளில் வெளியானது .
வெளியான முதல் நாளில் இப்படத்தின் மீது கலவையான விமர்சனங்கள் எழுந்து வரும் நிலையில் வசூலில் தூள் கிளப்பி வருவதாக தகவல் வெளியாகி உள்ளது.
அதன்படி கோட் படம் இதுவரை உலகளவில் சுமார் 300 கோடிக்கும் மேல் வசூல் செய்துள்ளதாக திரைத்துறை வட்டாரங்கள் தகவல் தெரிவித்துள்ளனர்.
