கணவனுடன் தகாத உறவில் இருந்த பெண் மீது பெட்ரோல் ஊற்றிய மனைவி…வீடியோ வைரல்
பெண் ஒருவர் தன் கணவனுடன் தகாத உறவில் இருந்த ராஜேஸ்வரி என்ற பெண் மீது மார்க்கெட்டில் வைத்து பெட்ரோல் ஊற்றிய வீடியோ காட்சி தற்போது சமூகவலைதளங்களில் வெளியாகி வைரலாகி வருகிறது
திருவள்ளூர் அடுத்த புல்லரம்பாக்கம் ராமர்கோயில் பகுதியைச் சேர்ந்தவர்கள் சுரேஷ்-பார்வதி தம்பதி. இவர்களுக்கு திருமணமாகி 15 ஆண்டுகள் ஆகிறது.
இவர்களுக்கு ஒரு ஆண் மற்றும் ஒரு பெண் குழந்தை உள்ளது. இந்நிலையில் சுரேஷ் திருவள்ளூர் மார்க்கெட்டில் காய்கறி கடை வைத்துள்ளார்.
இதனிடையே சுரேசுக்கும் புல்லரம்பாக்கம் பகுதியை சேர்ந்த கணவரை பிரிந்து வாழ்ந்த 40 வயதாகும் ராஜேஸ்வரி என்ற பெண்ணிற்கும் இடையே கள்ளக்காதல் ஏற்பட்டது.
இவர்கள் இருவரும் குடும்பத்தினருக்கு தெரியாமல் புட்லூர் அம்மன் கோவிலில் வைத்து திருமணம் செய்து கொண்டதாக கூறப்படுகிறது. அதன் பின்னர் ராஜேஸ்வரி திருவள்ளூரில் தனியாக வசித்து வந்துள்ளார்.
ராஜேஸ்வரி சுரேஷின் காய்கறி கறிகடைக்கு அடிக்கடி வந்து வியாபாரம் செய்து வந்ததை அறிந்த சுரேஷின் மனைவி பார்வதி இதனை கண்டித்து ராஜேஸ்வரியை கடைக்கு வரக்கூடாது என்று எச்சரித்துள்ளார்.
இதையும் படிங்க : மனைவியை பைக்கில் கட்டி தரதரவென்ற இழுத்துச்சென்ற கணவன் – பதைபதைக்கும் வீடியோ!!
ஆனால், கடந்த 9-ந்தேதி ராஜேஸ்வரி மீண்டும் சுரேஷின் காய்கறி கடைக்கு வந்து வியாபாரத்தில் ஈடுபட்டார்.
இதனால் ஆத்திரம் அடைந்த பார்வதி மற்றும் அவரது உறவினர்கள் மார்க்கெட்டிற்கு வந்து கடையில் இருந்த ராஜேஸ்வரியுடன் தகராறில் ஈடுபட்டுள்ளனர். அப்போது பார்வதி மறைத்து வைத்திருந்த பெட்ரோலை ராஜேஸ்வரி மீது ஊற்றியுள்ளார்.
அந்த நேரத்தில் பின்னால் இருந்த விளக்கிலிருந்து தீ ராஜேஸ்வரி மீது பற்றியது. இதில் உடல் முழுவதும் 80 சதவீத தீக்காயத்துடன் ராஜேஸ்வரி சென்னை கீழ்ப்பாக்கம் அரசு மருத்துவமனையில் தீவிர சிகிச்சை அனுமதிக்கப்பட்ட நிலையில், அவருக்கு சிகிச்சை அளிக்கப்பட்டு வந்தது.
இதுகுறித்து திருவள்ளூர் காவல் துறையினர் கொலை முயற்சி வழக்கு பதிவு செய்து பார்வதி, அவரது கணவர் சுரேஷ் மற்றும் உறவினர்கள் என மொத்தம் 6 பேரை கைது செய்தனர்.
இந்தநிலையில் இன்று காலை மருத்துவமனையில் சிகிச்சை பலனின்றி ராஜேஸ்வரி பரிதாபமாக உயிரிழந்தார். இதையடுத்து போலீசார் இந்த வழக்கை கொலை முயற்சி வழக்காக மாற்றி உள்ளனர்.
பார்வதி, ராஜேஸ்வரி மீது பெட்ரோல் ஊற்றிய வீடியோ காட்சி தற்போது சமூகவலைதளங்களில் வெளியாகி வைரலாகி வருகிறது.
