உலக கோப்பை கிரிக்கெட் தொடரில் இன்று நடைபெறும் லீக் போட்டியில் இந்தியா – தென்னாப்ரிக்க அணிகள் பலப்பரீட்சை நடத்த உள்ளது .
இந்தியாவில் நடைபெற்று வரும் நடப்பு உலகக்கோப்பை கிரிக்கெட் தொடரில் இதுவரை 36 லீக் போட்டிகள் வெற்றிகரமாக நடந்து முடிந்துள்ளன.
இந்நிலையில் கொல்கத்தாவில் உள்ள ஈடன் கார்டன் கிரிக்கெட் மைதானத்தில் இன்று பிற்பகல் 2 மணிக்கு நடைபெறும் 37 வது லீக் போட்டியில் இந்தியா – தென்னாப்ரிக்க அணிகள் மல்லுக்கட்ட உள்ளது.
நடப்பு உலககோப்பை தொடரில் இதுவரை 7 போட்டிகளில் விளையாடியுள்ள இந்திய அணி 7 போட்டியிலும் அபார வெற்றி பெற்று புள்ளிப் பட்டியலில் தற்போது முதல் இடத்தில் உள்ளது.
அதேபோல் தென்னாப்ரிக்க அணி இதுவரை விளையாடியுள்ள 7 போட்டிகளில் 6 ல் வெற்றியும் 1ல் தோல்வியடைந்தும் புள்ளிப் பட்டியலில் 2வது இடத்தில் உள்ளது.
இந்நிலையில் இன்று பிற்பகல் நடைபெறும் இந்த போட்டியில் எந்த அணி வெல்லப்போகிறது எந்த அணி தோல்வியை சந்திக்க போகிறது என்பதை நாம் காத்திருந்து பார்க்கலாம்.
