இன்ஸ்டா ரீல்ஸ் மோகம் : 100 அடி உயரத்தில்.. இளைஞர் பலி – வைரல் வீடியோ!

Insta Reels Craze : ஜார்க்கண்ட் மாநிலம் சாகிப்கஞ்ச் மாவட்டம் ஜிர்வபரி பகுதியை சேர்ந்தவர் இளைஞர் 18 வயதாகும் தஜிப்.

இவர் நேற்று (21.05.24) தனது நண்பர்களுடன் ஜிர்வபரியில் உள்ள கல்வாரியில் உள்ள ஏரிக்கு குளிக்கச் சென்றுள்ளார்.

இதையும் படிங்க :“யாகாவா ராயினும் நாகாக்க”.. பிரதமர் மோடி நாவடக்கி பேச வேண்டும் – முத்தரசன்!

அப்போது அவருடைய நண்பர்கள் சிலர் ஏரியில் குளித்துக்கொண்டிருந்தனர். இதனிடையே இன்ஸ்டாகிராம் ரீல்ஸ் போடுவதில் ஆர்வமாக இருக்கும் தஜிப் ரீலிஸ் எடுப்பதற்காக 100 அடி உயரத்தில் இருந்து ஏரிக்குள் குதித்துள்ளார்.

தஜிப் ஏரிக்குள் குதிப்பதை உடனிருந்த அவரது நண்பர் ஒருவர் வீடியோவாக எடுத்துள்ளார்.

மேலும் சில நண்பர்கள் ஏரியில் குளித்துக்கொண்டிருந்த நிலையில், அவர்களை விட்டு வெகுதொலைவில் உள்ள பகுதியில் ஏரிக்குள் குதித்துள்ளார் தஜிப்.

100 அடி உயரத்தில் இருந்து ஏரிக்குள் குதித்த தஜிப் தண்ணீரில் மூழ்கியுள்ளார் (Insta Reels Craze).

நீருக்குள் மூழ்கிய தஜிப் வெகுநேரமாகியும் மேலே வராததால் அதிர்ச்சியடைந்த அவரது நண்பர்கள் நீந்தி சென்று தஜிப்பை தேடியுள்ளார்.

ஆனால், தஜிப் நீருக்குள் விழுந்த வேகத்தில் ஏரியின் ஆழத்திற்கு சென்றதால் நீரில் மூழ்கி உயிரிழந்தார்.

இச்சம்பவம் குறித்து உடனடியாக போலீசார் மற்றும் மீட்புக்குழுவினருக்கு தகவல் கொடுக்கப்பட்டது.

தகவலறிந்து சம்பவ இடத்திற்கு விரைந்து வந்த மீட்புக்குழுவினர் ஏரியில் மூழ்கிய தஜிப்பின் உடலை மீட்டனர்.

மேலும், போலீசார் இச்சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.

இன்ஸ்டாகிராமில் ரீல்ஸ் மோகத்தால் ரீலிஸ் பதிவிடுவதற்காக 100 அடி உயரத்தில் இருந்து ஏரிக்குள் குதித்த இளைஞர் தண்ணீரில் மூழ்கி உயிரிழந்த சம்பவம் பெரும் சோகத்தையும், அதிர்ச்சியையும் ஏற்படுத்தியுள்ளது.

இதனிடையே இது தொடர்பான வீடியோ சமூகவலைதளத்தில் வெளியாகி வைரலாகி வருகிறது.