Vana Pechi temple : கருப்பசாமி மாடசாமி போன்ற எண்ணற்ற கிராம தெய்வங்களை போல பேச்சியம்மன் என்கிற தெய்வ சக்தியும் இடத்திற்கு ஏற்றவாறு பல திருநாமங்களில் அழைக்கப்படும் ஒரு பெண் தெய்வம்.
அந்த சக்தி தேவியானவள் எங்கெல்லாம் வழிபாடு செய்யப்படுகிறாளோ அங்குள்ள மக்களின் தாயைப் போன்று அருள்பாலிக்க கூடியவள். வழிபடும் மக்களின் தன்மைக்கேற்ப உருவத்திலும் மாறுபட்ட நிலையில் காட்சியளித்து வனப்பேச்சி, மலை பேச்சி, சுடலை பேச்சி, மயான பேச்சி, அகோரப் பேச்சி, ருத்ர பேச்சி என பல்வேறு நிலைகளில் காட்சி அளிக்கிறாள்.
பொதுவாக தமிழக கிராம பகுதிகளில் அதிகம் வழிபடக்கூடிய அய்யனார் கோவில் மற்றும் அங்காள பரமேஸ்வரி கோவில்களில் இவளுக்கென்று தனி சன்னதி கொண்டு வீற்றிருந்து மக்களை காக்கிறாள். அதிலும் குறிப்பாக கர்ப்பிணி பெண்களுக்கும் பச்சிளம் குழந்தைகளுக்கும் ஏற்படும் நோய்களை தீர்ப்பதற்கு கிராம மக்கள் இவளிடமே முறையிடுதல் வழக்கமாக உள்ளது. வழிபடும் மக்களின் குறைகளை தீர்த்து குழந்தை முதல் கர்ப்பிணி பெண்கள் வரை காப்பத்தில் இந்த தாய்க்கு ஈடு இணை யாரும் கிடையாது.
மேலும் கிராமத்து வழிபாட்டு தேவதையாக அறியப்படும் இந்த சக்தியானவளே சாத்த வழிபாடு என வரும் பொழுது திருக்கருகாவூரிலேயே கர்ப்ப ரட்சாம்பிகையாகவும் வேறு ஒரு சிவாலயத்தில் பிள்ளை இடுக்கி அம்மனாகவும் விளங்குகிறாள். திருவாரூர் மாவட்டம் சிக்கல் என்ற ஊரில் உள்ள வேல் நெடுங்கண்ணி என அழைக்கப்படும் தாயானவளே வேளாங்கண்ணி தாயாக இடுப்பில் பாலமுருகனோடு காட்சியளித்து புயலில் சிக்கித் தவித்த போர்த்துகீசிய ஆளுமைகளை உயிருடன் கரை சேர்த்தவளும் இந்த அம்மையே.
வடிவங்கள் மாறுபட்டாலும் மக்களை காக்கும் தன்மையுடன் விளங்கும் தாய்மை குணம் கொண்ட தாய் அவளே. இவ்வாறான இந்த சக்தி வடிவம் திருநெல்வேலியை அடுத்துள்ள பாபநாசம் அணைக்கட்டுக்கு மேல் காரையார் வனப்பகுதியிலும் நீலகண்ட வனப்பேச்சியாக கோவில் கொண்டுள்ளாள்.
குமரி மாவட்டம் பேச்சிப்பாறையில் உள்ள அணைக்கட்டு பகுதியில் சுயம்புவாக தோன்றிய காளியின் வடிவான சக்தியே பேச்சியம்மன் என்ற செவிவழி செய்தியும் உள்ளது. இவளது பெயராலேயே அப்பகுதியில் உள்ள அணைக்கட்டிற்கு பேசிப் பாறை அணை என்றும் சொல்வதுண்டு. வனவாச காலத்தில் அர்ஜுனனுக்கும் பீமனுக்கும் யார் பெரியவர் என்கிற போட்டி மனப்பான்மை ஏற்பட்டு மோதலில் ஈடுபட, பின் இருவரும் அங்குள்ள பேச்சியம்மனிடம் முறையிடவும் வானளாவ உயர்ந்து இருவரின் ஆணவத்தை அகற்றி நல்வழிப்படுத்தினால் என்பது வரலாறு.
இதையும் படிங்க : திருவீழிமிழலை கோவில்.. நகைகள் வீட்டில் குவியும்.. திருமணம் நடக்கும்!!
இவ்வாறான பெருமைகளை கொண்ட நீலகண்ட வனப்பேச்சி திருக்கோவிலானது உள்ளூர் மக்களால் எழுப்பப்பட்ட ஆலயம் கிடையாது. மிகவும் பழைமையான மலைகளை குடைந்து செய்யப்பட்ட குடைவரை கோவிலாகும். இந்த கோவிலின் உட்பகுதியில் நான்கு தனி தனி சன்னதிகள் உள்ளன.
முதலாவது சன்னதியில் திருநீலக் கண்டரான சிவனின் சன்னதி உள்ளது. இங்கு லிங்க வழிபாடு இல்லாமல் அரூபமாக ஈஸ்வரன் இருப்பதாக ஐதீகம் கூறப்படுகிறது. அடுத்ததாக பகை தீர்த்த மாரியம்மன் சன்னதியும், நடுவே பிரதானமாக வன பேச்சியும், நான்காவதாக வலது புறஓரத்தில் அன்னை ராஜமாக்காளி தேவதையும் கொலுவிருந்து திருவருள்புரியும் காணக் கிடைக்காத காட்சியாக இவ்வாலயம் விளங்குகிறது.
திருநீலகண்டெருமாளுடன் வீற்றிருந்து காட்சியளிப்பதால் நீலகண்ட வன பேச்சியாக அன்னையும் அவ்வாறே அழைக்கப்படுகிறாள். பரமேஸ்வரன் ஆகிய சிவனும் உடன் இருப்பதால் ஆடு, கோழி இனங்களை உயிர்பலி கொடுக்கும் பழக்கம் இங்குள்ள மலைக்குடிகளிடம் கிடையாது என்பது சிறப்பு அம்சமாக பார்க்கப்படுகிறது. ஏனைய சிவாலயங்களில் நடத்தப்படும் வழிபாடு போலவே அபிஷேகம், ஆராதனை, சர்க்கரை பொங்கல் நிவேதனம் போன்ற சைவ ஆகம வழிபாட்டு முறையே இந்த வனப்பேச்சி அம்மன் கோவிலிலும் பின்பற்றப்படுகிறது.
கடந்த மாதம் பௌர்ணமியை ஒட்டிய மறுநாளில் இந்த அம்மனை தரிசிக்க நாம் நமது பட குழுவினருடன் சென்ற போது பொழுது சாய்ந்த இருட்ட தொடங்கிய நேரம் அந்த பகுதியில் மழைக்காலம் ஆகையால் காற்றும் மழையும் சாரலோடு துவங்கிய ஆர்ப்பரிக்க துவங்கி விட்டது மழை தூரலுடன் காற்றும் அதிவேகமாக வீசுவதால் யானை கரடி போன்ற வனவிலங்குகளின் நடமாட்டமும் இடப்பெயர்ச்சியும் காணப்பட்டதால் மிகுந்த திகிலுடன் வழிபாட்டையும் படப்பிடிப்பையும் நடத்தி முடித்து பத்திரமாக திரும்பினோம்.
கோவிலின் (Vana Pechi temple) அருகாமையில் வசிக்கும் அனைத்து கிராம மக்களின் குறைகளையும் வேண்டியவர்களுக்கு வேண்டிய வரம் அருளும் சக்தி வாய்ந்த வன தேவதையாக விளங்கும் வனப்பேச்சி அம்மனின் பாதம் பணிந்து நாமும் நமது நிகழ்ச்சியை பார்த்துக் கொண்டிருக்கும் ஐத்தமிழ் தாய் ஆன்மீக நேயர்களுக்கும் வாழ்க்கையில் அனைத்து குறைகளும் நீங்கி இன்புற்று வாழ்ந்திட நமது தாய் தமிழ் தாய் சேனல் சார்பாக பிரார்த்தனை செய்து கொள்கிறோம்.
மீண்டும் ஓர் அற்புதமான தலத்தில் சந்திக்கும் வரை நன்றியுடன் விடைபெறுவது உங்கள் ஐ தமிழ்