இந்தியாவில் கடந்த 24 மணி நேரத்தில் 529 பேருக்கு புதிதாக கரோனா தொற்று உறுதி செய்யப்பட்டுள்ள நிலையில், நாடு முழுவதும் கரோனா தொற்றால் பாதிக்கப்பட்ட நோயாளிகளின் எண்ணிக்கை 4,093 ஆக அதிகரித்துள்ளது என்று மத்திய சுகாதார அமைச்சகம் தெரிவித்துள்ளது.
புதிதாக பரவி வரும் கரோனா ஜேஎன்.1 திரிபு வைரஸால் பாதிக்கப்பட்டவர்களின் எண்ணிக்கை 109 ஐ எட்டியுள்ள நிலையில், குளிர் காலத்துக்கு பிறகு இது மேலும் அதிகரித்திருப்பதாகவும் கூறப்படுகிறது. இந்த பாதிப்பால் கர்நாடகா, கேரளா, கோவா, குஜராத், மகாராஷ்டிரா உள்ளிட்ட 5 மாநிலங்களைச் சேர்ந்த மக்கள் அதிகளவு பாதிக்கப்பட்டிருப்பதாக தகவல் வெளியாகியுள்ளது.
அதன்படி, குஜராத்தில் 36 பேரும், கர்நாடகாவில் 34 பேரும், கோவாவில் 14 பேரும், மகாராஷ்டிராவில் 9 பேரும், கேரளாவில் 6 பேரும், ராஜஸ்தான் மற்றும் தமிழ்நாட்டிலிருந்து தலா 4 பேரும் மற்றும் தெலங்கானாவில் 2 பேரும் பாதிக்கப்பட்டுள்ளனர். இதனால், பெரும்பாலான நோயாளிகள் தற்போது வீட்டில் தனிமைப்படுத்தப்பட்டு உள்ளனர்.
மேலும், இந்தியாவில் கடந்த 24 மணி நேரத்தில் புதிதாக 529 பேருக்கு கரோனா தொற்று உறுதி செய்யப்பட்டுள்ள நிலையில், நாடு முழுவதும் கரோனா தொற்றால் பாதிக்கப்பட்ட நோயாளிகளின் எண்ணிக்கை தற்போது 4,093 ஆக அதிகரித்துள்ளது.
கரோனா தொற்று பாதிப்பால் கர்நாடகாவில் 2 பேரும், குஜராத்தில் ஒருவரும் உயிரிழந்திருப்பதாகக் கூறப்படுகிறது. அதோடு நாடு முழுவதும் இதுவரை சுமார் 4,44,72756 பேர் கொரோன தொற்றில் இருந்து டிஸ்சார்ஜ் செய்யப்பட்டிருப்பதாக தகவல் வெளியாகியுள்ளது.
புதியவகை காரோனா தொற்று பாதிப்பால் இதுவரை 5,33,340 பேர் இறந்திருப்பதாகவும் கூறப்படுகிறது. நேற்று புதிதாக 116 பேருக்கு கரோனா தொற்று உறுதி செய்யப்பட்டுள்ளதும் குறிப்பிடத்தக்கது.