தமிழ் சினிமாவின் தவிர்க்க முடியாத இயக்குநர்களில் ஒருவராக வலம் வரும் மாரி செல்வராஜ் இயக்கத்தில் உதயநிதி ஸ்டாலின் நாயகனாக நடித்துள்ள படம் மாமன்னன். இப்படத்தில் உதயநிதிக்கு ஜோடியாக நவரச நாயகி கீர்த்தி சுரேஷ் நடித்துள்ளார்.
இசைப்புயல் ஏ.ஆர்.ரகுமான் இசையமைக்கும் இந்த படத்தில் வைகை புயல் வடிவேலு, பகத் பாசில் உள்ளிட்ட பல முன்னணி நட்சத்திரங்கள் முக்கிய கதாபாத்திரத்தில் நடித்துள்ளனர்.
உதயநிதி மற்றும் கிருத்திகா உதயநிதியின் ரெட் ஜெயண்ட் மூவீஸ் நிறுவனம் பிரம்மாண்ட பட்ஜெட்டில் தயாரித்துள்ள இப்படம் நேற்று 29ம் தேதி திரையரங்குகளில் கோலாகலமாக வெளியானது.
உதயநிதியின் கடைசி படம் என்பதால் ரசிகர்களின் மிக பெரிய எதிர்பார்க்கிடையே வெளியான இப்படம் மக்கள் மத்தியில் முதல் நாளே அமோக வரவேற்பை பெற்றுள்ளது.
இந்நிலையில், இப்படம் முதல் நாளில் பாக்ஸ் ஆபிஸில் ரூ. 10 கோடிக்கும் மேல் உலகளவில் வசூல் செய்து சாதனை செய்துள்ளதாக தகவல் வெளியாகியுள்ளது . இதையடுத்து வரும் நாட்கள் விடுமுறை நாட்கள் என்பதால் இப்படத்தின் வசூல் மேலும் உயரும் என எதிர்பார்க்கப்படுகிறது.
