இன்று பிறந்தநாள் கொண்டாடும் காங்கிரஸ் முன்னாள் எம்.பி., ராகுல் காந்திக்கு (rahul gandhi) முதல்-அமைச்சர் மு.க.ஸ்டாலின் பிறந்தநாள் வாழ்த்து தெரிவித்துள்ளார்.
காங்கிரஸ் முன்னாள் எம்.பி. ராகுல் காந்தி (rahul gandhi) இன்று(19.06.23) தனது 53-வது பிறந்தநாளை கொண்டாடுகிறார். இதனையொட்டி, காங்கிரஸ் தலைவர்கள், பல்வேறு கட்சித்தலைவர்கள் உள்பட பலதரப்பினரும் ராகுல் காந்திக்கு தங்களது வாழ்த்துகளைத் தெரிவித்து வருகின்றனர்.
இந்நிலையில், தமிழக முதல்-அமைச்சர் மு.க.ஸ்டாலின், ராகுல் காந்தியின் பிறந்தநாளையொட்டி அவருக்கு தனது டுவிட்டர் பக்கத்தில் பிறந்தநாள் வாழ்த்து தெரிவித்துள்ளார்.
இதுதொடர்பாக தமிழக முதல்-அமைச்சர் மு.க.ஸ்டாலின் அவரது டுவிட்டரில், “என்அன்பு சகோதரர் ராகுல்காந்தி அவர்களுக்கு இனிய பிறந்தநாள் வாழ்த்துக்கள். இந்தியாவின் ஜனநாயக பண்பைக் காப்பாற்ற நமக்கு நீண்ட பயணம் உள்ளது. ஒன்றாக அணிவகுப்போம்” என்று பதிவிட்டுள்ளார்.
