சந்திரயான்-3ன் திட்ட இயக்குனரான விழுப்புரம் மாவட்டத்தைச் சேர்ந்த விஞ்ஞானி வீரமுத்துவேலுக்கு முதலமைச்சர் முகஸ்டாலின்(MK Stalin) தொலைபேசி மூலம் வாழ்த்து தெரிவித்துள்ள வீடியோ இணையத்தில் வைரலாகி வருகிறது.
ஸ்ரீஹரிகோட்டாவில் உள்ள சதீஷ் தவான் விண்வெளி தளத்தில் இருந்து கடந்த ஜூலை மாதம் 14ஆம் தேதி நிலவின் தென் துருவத்தை ஆய்வு செய்ய சந்திரயான்-3, விண்ணில் ஏவப்பட்டது.
40 நாள் பயணத்திற்குப் பிறகு, இந்திய விண்வெளி ஆராய்ச்சி நிறுவனத்தின் (இஸ்ரோ) சந்திரயான்-3 விண்கலம், நிலவின் தென் துருவத்தில் நேற்று வெற்றிகரமாக தரையிறங்கி ,நிலவில் தடம்பதித்த 4 நாடு என்ற பெருமையை பெற்றது.
இந்த நிலையில் , சந்திரயான்-3ன் திட்ட இயக்குனராக தமிழ்நாட்டின் விழுப்புரம் மாவட்டத்தைச் சேர்ந்த விஞ்ஞானி வீரமுத்துவேலுக்கு முதலமைச்சர் முகஸ்டாலின் தொலைபேசி மூலம் வாழ்த்து தெரிவித்து உள்ளார்.
அதில்,சந்திரயான்-3 விண்கலம் நிலவில் தடம்பதித்து உள்ளது. உலக நாடுகள் மத்தியில் பெருமையை தேடிதந்துள்ளது. தமிழ்நாட்டிறக்கு வருகை தாருங்கள் உங்களை நேரில்பார்க்கணும்”என்று முதலமைச்சர் ஸ்டாலின் அழைப்பு விடுத்துள்ளார். இது தொடர்பான வீடியோ இணையத்தில் வைரலாகி வருகிறது