“பத்தினி என்று நிரூபித்து காட்டு” – கணவனின் வார்த்தையால் மகளை எரித்து கொன்ற தாய்..!

திருவொற்றியூர் பத்பநாபன் காலனி 1வது தெருவை சேர்ந்தவர் பத்பநாபன் (41). இவர் தண்டையார்பேட்டையில் உள்ள நிறுவனத்தில் தற்காலிக ஓட்டுநராக வேலை பார்த்து வருகிரார்.

இவருக்கும் ஜெயலட்சுமி (38) என்பவருக்கும் கடந்த 2016 ஆம் ஆண்டு திருமணம் நடந்துள்ளது. இதற்கு முன்பு ஜெயலட்சுமிக்கு பால்வானன் என்பவருடன் திருமணம் நடந்து பள்ளிக்கு செல்லும் வயதில் பெண் குழந்தை இருந்தது.

இந்நிலையில், பால்வானனின் தம்பியுடன் ஜெயலட்சுமிக்கு தகாத உறவு ஏற்பட்டு அந்த விவகாரம் பால்வானனுக்கு தெரிய வரவே அவர் ஜெயலட்சுமியை விட்டு பிரிந்து சென்று விட்டார். இதனையடுத்து ஜெயலட்சுமி இரண்டாவதாக வேறொருவரை திருமணம் செய்துகொண்டார். இரண்டாவது கணவன் மூலம் பிறந்த மகளுக்கு தற்போது 10 வயதாகிறது.

அதன் தொடர்ச்சியாக ஜெலலட்சுமி பத்மநாபனை மூன்றாவது முறையாக திருமணம் செய்துள்ளார். இந்நிலையில், இரண்டாவது கணவருக்கு பிறந்த 10 வயது மகளுடன் ஜெயலட்சுமி குடும்பமாக வாழ்ந்து வந்தார். இந்த சூழலில் ஜெயலட்சுமி மீது பத்மநாபனுக்கு சந்தேகம் ஏற்பட்டு அடிக்கடி சண்டையிட்டு வந்துள்ளார்.

இந்நிலையில், நேற்று குடித்துவிட்டு வீட்டுக்கு வந்த பத்மநாபன் மனைவியிடம் உன் உடம்பில் ஏன் வித்தியாசமாக வாசம் வருகிறது? என கேட்டுள்ளார். அதற்கு ஜெயலட்சுமி, தான் ஒழுங்காகதான் உங்களுடன் வாழ்கிறேன் என்றும், மகளுக்காகத்தான் மூன்றாவது திருமணம் செய்துகொண்டேன் என கூறி முறையிட்டுள்ளார்.

ஆனால், அதை நம்ப தயாராக இல்லாத பத்மநாபன், மனைவியிடம் ‘ நீ பத்தினி என்றால் இரண்டாவது கணவனுக்கு பிறந்த உனது மகளை எரித்து காட்டு’ என கூறியதாக சொல்லபடுகிறது.

அப்போது ஜெயலட்சுமி தனது 10 வயது மகளை மண்ணெண்ணெய் ஊற்றி தீ வைத்து கொளுத்தி கொலை செய்துள்ளார். இதுகுறித்து வழக்கு பதிவு செய்த போலீசார் ஜெயலட்சுமி, பத்மநாபன் இருவரையும் கைது செய்து விசாரணை நடத்தி வருகின்றனர். இச்சம்பவத்தால் அப்பகுதி மக்கள் அதிர்ச்சியில் உள்ளனர்.