பாலியல் வன்கொடுமை வழக்கில் தேடப்பட்டு வந்த பிரஜ்வல் ரேவண்ணாவை பெங்களூர் விமான நிலையத்தில் போலீசார் கைது செய்துள்ளனர்.
முன்னாள் பிரதமர் தேவகவுடாவின் பேரனும், ஹசன் தொகுதி எம்.பி.யுமான பிரஜ்வல் ரேவண்ணாவின் தந்தையான எச்.டி. ரேவண்ணாவின் வீட்டில் வேலை செய்து வந்த பெண் ஒருவர் புகார் அளித்திருந்தார் .
அதில், “ரேவண்ணா வீட்டில் மொத்தம் நாங்கள் 6 பெண்கள் வேலை செய்கிறோம்.அவர் தனது மனைவி இல்லாத போதெல்லாம், அவர் வீட்டில் வேலை செய்யும் பெண்களிடம் பாலியல் ரீதியாகத் தவறாக நடந்து கொள்வர் என்று குறிப்பிட்டு இருந்தார்.
இது தொடர்பாக வழக்குப் பதிவு செய்யப்பட்டு விசாரித்து நிலையில் இன்னும் பல திடுக்கிடும் தகவல்கள் வெளிவந்தன. அதோடு அவர் பல்வேறு பெண்களுடன் நெருக்கமாக இருக்கும் சுமார் 3 ஆயிரம் வீடியோக்கள் வெளியானது.
மேலும் பாதிக்கப்பட்ட பெண் அளித்த புகாரின் அடிப்படையில், இருவர் மீதும் பாலியல் தொல்லை, மிரட்டல், பின் தொடர்தல் உள்ளிட்ட பிரிவுகளின் ஐபிசி பிரிவுகள் 354 ஏ, 354 டி, 506 மற்றும் 509 ஆகியவற்றின் கீழ் போலீஸார் வழக்குப் பதிவு செய்தனர்.
இதையும் படிங்க: பிரஜ்வல் ரேவண்ணா போலீசார் முன்பாக சரண் அடைய வேண்டும் – தேவகவுடா எச்சரிக்கை!
இந்த விவகாரம் குறித்து விசாரிக்க சிறப்பு புலனாய்வுக் குழுவும் அமைக்கப்பட்டது.இந்த நிலையில் கடந்த ஏப்ரல் 26-ம் தேதி இரவு பிரஜ்வல் ரேவண்ணா ஏற்கனவே வெளிநாட்டிற்குத் தப்பிச் சென்றுவிட்டதாகத் தகவல்கள் வெளியாகின.
சிறப்பு புலனாய்வு பிரிவு போலீஸார் 2 முறை லுக் அவுட் நோட்டீஸும் ஒரு முறை புளூ கார்னர் நோட்டீஸும் பிறப்பிக்கப்பட்டதோடு தேவகவுடா உள்ளிட்டோர் உடனடியாக நாடு திரும்புமாறு பிரஜ்வலுக்கு கோரிக்கை விடுத்தனர்.
இந்த சூழலில் தான் ஜெர்மனியின் முனிச் நகரில் இருந்து பெங்களூரு திரும்புவதற்கான விமான டிக்கெட்டை பிரஜ்வல் முன்பதிவு செய்திருப்பதாக தகவல் கிடைத்தது.
இதனை தொடர்ந்து கெம்பேகவுடா சர்வதேச விமான நிலையத்தில் வைத்து பிரஜ்வல் ரேவண்ணாவை சிறப்பு விசாரணைக் குழு தடுத்து நிறுத்தி கைது செய்தனர்.