செந்தில் பாலாஜி கைதாகி இன்றுடன் ஓராண்டு நிறைவடையும் நிலையில் அவர் மீதான வழக்குகள் சென்னை முதன்மை அமர்வு நீதிமன்றத்தில் இன்று மீண்டும் விசாரணைக்கு வருகிறது
அதிமுக ஆட்சி காலத்தில் சட்டவிரோத பண பரிமாற்ற குற்றத்தின் அடிப்படையில் அமலாக்கத்துறையால் செந்தில் பாலாஜி கைது செய்யப்பட்டார். தற்போது நீதிமன்ற காவலில் புழல் சிறையில் அடைக்கப்பட்டுள்ளார்.
இந்த நிலையில், அமலாக்கத்துறை தொடரப்பட்ட வழக்கிலிருந்து விடுவிக்கக் கோரி முன்னாள் அமைச்சர் செந்தில் பாலாஜி சென்னை முதன்மை அமர்வு நீதிமன்றத்தில் மனுதாக்கல் செய்து இருந்தார்.
ஆனால் இந்த மனு மீதான விசாரணை உத்தரவை சென்னை முதன்மை அமர்வு நீதிமன்றம், சென்னை உயர்நீதிமன்றம் தள்ளுபடி செய்தது. இதனை தொடர்ந்து செந்தில் பாலாஜி உச்சநீதிமன்றத்தில் வழக்கு தொடர்ந்து இருந்தார்.
இந்த வழக்கு உச்சநீதிமன்ற நீதிபதி அபய் எஸ் . ஓஹா , உஜ்ஜல் புயாண் ஆகியோர் அமர்வு முன் விசாரணைக்கு வந்தது.அப்போது செந்தில் பாலாஜி தரப்பில் மூத்த வழக்கறினர் ஆர்யமா சுந்தரம் ஆஜராகி ,” செந்தில் பாலாஜி கடந்த 328 நாட்களாக சிறையில் உள்ளார். எனவே அவருக்கு உடனடியாக ஜாமீன் வழங்க வேண்டும் என்ற வாதத்தை முன்வைத்தார்.
இதனை தொடர்ந்து அமலக்காய்ததுரை தரப்பில் சொலிசிட்டர் ஜனரல் துஷார் மேத்தா ஆஜராகி,” இந்த ஜாமீன் மனு மீது பதிலளிக்க 5 நாட்கள் ஆவகாசம் கோரிக்கை வைத்தார்.இரண்டு தரப்பு வாதங்களையும் கேட்ட நீதிபதி வழக்கு விசாரணையை மே 15 ஆம் தேதிக்கு ஒத்திவைத்தார்.
இதையும் படிங்க: செந்தில் பாலாஜியின் ஜாமின் வழக்கு : மே 15க்கு ஒத்திவைத்த உச்சநீதிமன்றம்!
இந்த நிலையில், இன்றுடன் செந்தில் பாலாஜி கைதாகி ஓராண்டு நிறைவடையும் நிலையில் அவர் மீதான வழக்குகள் சென்னை முதன்மை அமர்வு நீதிமன்றத்தில் இன்று மீண்டும் விசாரணைக்கு வருகிறது என்பது குறிப்பிடத்தக்கது.
இன்றுடன் செந்தில் பாலாஜி கைதாகி ஓராண்டு நிறைவடையும் நிலையில், செந்தில் பாலாஜி கடந்து வந்த பாதை குறித்து இந்த பதிவில் காணலாம்..
- 2014 ஆம் ஆண்டு அதிமுக ஆட்சியின் போது போக்குவரத்துத் துறை அமைச்சராக இருந்த செந்தில் பாலாஜி, போக்குவரத்துறை பணி நியமனத்தில் முறைகேடு செய்ததாக புகார் எழுந்தது
- 2015 ஆம் ஆண்டு பதிவு செய்யப்பட்ட வழக்கில் அப்போது அமைச்சராக இருந்த செந்தில் பாலாஜியின் பெயர் அதில் இடம் பெறவில்லை.
- 2016 ஆம் ஆண்டு பாதிக்கப்பட்டவர்கள் உயர்நீதிமன்றத்தில் வழக்கு தொடர்ந்ததன் அடிப்படையில் செந்தில் பாலாஜி, அவரது சகோதரர் அசோக்குமார் உள்ளிட்ட 40 பேர் மீது வழக்குப் பதிவு
- செந்தில் பாலாஜி மீது பண மோசடி வழக்குப் பதிவு செய்த அமலாக்கத்துறை 2019 ஆம் ஆண்டு சம்மனும் அனுப்பியது. ஆனால், உயர்நீதிமன்றம் அதனை ரத்து செய்தது.
- 2021 ஆம் ஆண்டு திமுக ஆட்சியில் மின்சாரம் மற்றும் மதுவிலக்கு ஆயத்துறை அமைச்சராக பொறுப்பேற்றார் செந்தில்பாலாஜி.
- அமலாக்கத்துறையைத் தொடர்ந்து 2022 ஆம் ஆண்டு. தன் மீதான வழக்கை ரத்து செய்ய வேண்டும் என செந்தில் பாலாஜியும் உச்சநீதிமன்றத்தை நாடினார்.
- செந்தில் பாலாஜி மீதான வழக்குகளை 2 மாதத்திற்குள் விசாரித்து முடிக்க வேண்டும் என கடந்த ஆண்டு மே மாதம் உச்சநீதிமன்றம் உத்தரவிட்டது.
- சட்டவிரோத பண பரிமாற்றம் தொடர்பாக கடந்த ஆண்டு ஜூன் மாதம் 13 ஆம் தேதி நாள் முழுவதும் செந்தில் பாலாஜி வீட்டில் அமலாக்கத்துறை அதிகாரிகள் சோதனை நடத்தினர்
- சோதனைக்கு மறுநாள் ஜூன் 14ம் தேதி செந்தில் பாலாஜியை அமலாக்கத்துறை அதிகாரிகள் கைது செய்தனர்
- கைதுக்கு பின் நெஞ்சு வலி காரணமாக மருத்துவமனையில் சிகிச்சை பெற்ற செந்தில் பாலாஜி ஜூலை 18ம் தேதி புழல் சிறையில் அடைக்கப்பட்டார்
- சிறையில் இருந்தபடியே அவ்வப்போது மருத்துவ சிகிச்சை பெற்று வந்த செந்தில் பாலாஜி ஜாமீன் கேட்டு சென்னை அமர்வு நீதிமன்றத்தில் மனு தாக்கல் செய்தார்
- கைது செய்யப்பட்ட பின்னர் இதுவரை செந்தில் பாலாஜிக்கு 39 முறை நீதிமன்ற காவல் நீட்டிப்பு: 5 முறை ஜாமீன் மனு தள்ளுபடி
- இன்றுடன் செந்தில் பாலாஜி கைதாகி ஓராண்டு நிறைவடையும் நிலையில் அவர் மீதான வழக்குகள் சென்னை முதன்மை அமர்வு நீதிமன்றத்தில் இன்று மீண்டும் விசாரணைக்கு வருகிறது.