கல்வி விருது வழங்கும் விழா அரங்கிற்கு வந்த உடனே நாங்குநேரியில் சாதிய கொடுமையால் தாக்குதலுக்கு உள்ளான மாணவர் சின்னதுரை அருகில் வெக தலைவர் விஜய் அமர்ந்த சம்பவம் நெகிழ்ச்சியை ஏற்படுத்தி உள்ளது.
சென்னையில் த.வெ.க சார்பில் நடைபெறும் கல்வி விருது விழாவிற்கு விஜய் வருகை தந்தார்.
தமிழ்நாடு முழுவதும் 10 மற்றும் 12ஆம் வகுப்பு பொதுத் தேர்வில் சட்டமன்ற தொகுதி வாரியாக முதல் மூன்று இடங்களை பிடித்த மாணவ, மாணவிகளுக்கு நடிகர் விஜய் விருது வழங்கி பாராட்டி வருகிறார்.
கல்வி விருது என்ற பெயரில் வழங்கப்படும் இந்த விருதை விஜய் தானே நேரடியாக மாணவ, மாணவிகளுக்கு வழங்குகிறார். இந்த விருதுடன் ஊக்கத்தொகையும் வழங்கப்படுகிறது.
இந்த விருது நிகழ்ச்சி இரண்டு கட்டமாக நடைபெறவுள்ளது. முதல் கட்ட நிகழ்வு இன்று நடக்க உள்ளது. இரண்டாம் கட்ட நிகழ்வு ஜுலை 3ஆம் தேதி நடைபெறும்.
இந்நிலையில் சென்னை திருவான்மியூர் ராமச்சந்திர கன்வென்ஷன் சென்டரில் நடைபெறும் முதல்கட்ட விருது வழங்கும் விழாவிற்கு விஜய் வருகை தந்தார்.
அப்போது அரங்கிற்கு உள்ளே சென்ற போது மாணவர்கள் உற்சாக வரவேற்பு அளித்தனர். அதன் பிறகு தவெக தலைவர் விஜய் நாங்குநேரியில் சாதிய கொடுமையால் தாக்குதலுக்கு உள்ளான மாணவர் சின்னதுரை அருகில் அமர்ந்தார்.