பாகிஸ்தான் பெண்களின் கல்லறையில் பூட்டு போடும் அவலம்… அதிர்ச்சி சம்பவம்!

பாகிஸ்தானில் உள்ள பெற்றோர்கள் தங்கள் இறந்த மகள்களின் கல்லறைக்கு பூட்டு (padlocks) போட்டு, அவர்களை பாலியல் பலாத்காரம் செய்யாமல் பாதுகாத்து வருவதாக அதிர்ச்சிகரமான தகவல் வெளியாகியுள்ளது.

ஒரு நாட்டில் ஒவ்வொரு இரண்டு மணி நேரத்திற்கும் ஒரு பெண் பாலியல் பலாத்காரம் செய்யப்படுகிறார் என்பது நமது மனசாட்சியில் மீண்டும் மீண்டும் உறுத்தக்கூடிய அளவிற்கு மோசமாக உள்ளது.

ஆனால், பெண்களின் கல்லறைகளில் பூட்டுகள் (padlocks) போடப்பட்டிருப்பதைக் காணும் போது, ​​ஒட்டுமொத்த சமுதாயமும் வெட்கித் தலைகுனிந்து நிற்கும், சூழல் உருவாகியுள்ளது.

இந்த சம்பவம் குறித்து, முன்னாள் முஸ்லீம் நாத்திக ஆர்வலரும், “கடவுளின் சாபம், நான் ஏன் இஸ்லாத்தை விட்டு வெளியேறினேன்” என்ற புத்தகத்தின் ஆசிரியருமான ஹாரிஸ் சுல்தான், இத்தகைய மோசமான செயல்களுக்கு கடுமையான இஸ்லாமிய சித்தாந்தத்தை குற்றம் சாட்டி உள்ளார்.

மேலும், “பாகிஸ்தான் பாலியல் விரக்தியுள்ள சமூகத்தை உருவாக்கியுள்ளது, மக்கள் தங்கள் மகள்கள் பாலியல் பலாத்காரம் செய்யப்படுவதைத் தடுக்க அவர்களின் கல்லறைகளில் பூட்டுகளை வைக்கின்றனர். நீங்கள் புர்காவை கற்பழிப்புடன் இணைத்தால், அது உங்களை கல்லறைக்கு பின்தொடர்கிறது” என்று ட்வீட் செய்துள்ளார். .

சில காம அரக்கர்கள் தங்கள் இச்சையைத் தணிக்க இறந்த உடல்களின் மீதும் தவறான செயல்களில் ஈடுபட்டு வருவது ரத்தம் கொதிக்கச் செய்கிறது.

மேலும், மற்றொரு ட்விட்டர் பயனரான சாஜித் யூசப் ஷா பதிவிட்டுள்ள பதிவில், “பாகிஸ்தான் உருவாக்கிய சமூகச் சூழல் பாலியல் குற்றங்கள் மற்றும் ஒடுக்கப்பட்ட சமூகத்தை உருவாக்கியுள்ளது, அங்கு சிலர் தங்கள் மகளின் கல்லறையை பாலியல் வன்முறையிலிருந்து பாதுகாக்கும் முயற்சியில் ஈடுபட்டுள்ளனர்.

கற்பழிப்பு மற்றும் கற்பழிப்பு ஆகியவற்றுக்கு இடையேயான தொடர்பு. ஒரு தனிநபரின் ஆடை துக்கம் மற்றும் விரக்தி நிறைந்த பாதைக்கு மட்டுமே வழிவகுக்கிறது.” என்று கூறியுள்ளார்.

மேலும், அங்கு பெண்களின் உடல்கள் பல சந்தர்ப்பங்களில் தோண்டி எடுக்கப்பட்டு அவமதிக்கப்பட்டதாக கூறப்படுகிறது. கராச்சியின் வடக்கு நாஜிமாபாத்தைச் சேர்ந்த முஹம்மது ரிஸ்வான் என்ற கல்லறை காவலர் 48 பெண் சடலங்களை பாலியல் பலாத்காரம் செய்ததை ஒப்புக்கொண்ட பின்னர் 2011 ஆம் ஆண்டில் பாகிஸ்தானில் ஒரு நெக்ரோபிலியா வழக்கு பதிவு செய்யப்பட்டது.

மனித உரிமைகளுக்கான தேசிய ஆணையத்தின் கூற்றுப்படி, 40 சதவீதத்திற்கும் அதிகமான பாகிஸ்தானிய பெண்கள் தங்கள் வாழ்நாளில் ஒருமுறையாவது வன்முறையை அனுபவித்திருக்கிறார்கள் என்றும் தகவல்கள் தெரிவிக்கின்றன.