ஜம்மு காஷ்மீர் தொடர்பான உச்ச நீதிமன்றத்தின் தீர்ப்பு வரலாற்று சிறப்புமிக்கது என்று பிரதமர் மோடி கருத்து தெரிவித்துள்ளார்.
கடந்த 2019ஆம் ஆண்டு ஜம்மு காஷ்மீருக்கு சிறப்பு உரிமைகளை வழங்கும் அரசியல் சாசனத்தின் 370வது சட்ட பிரிவை நீக்குவதாக மத்திய அரசு அறிவித்தது. இதைத்தொடர்ந்து ஜம்மு காஷ்மீர், லடாக் என இரண்டாக பிரிக்கப்பட்டு யூனியன் பிரதேசங்களாக அறிவிக்கப்பட்டன.
ஜம்மு காஷ்மீருக்கு வழங்கப்பட்ட சிறப்பு உரிமை தொடர்பான இந்த மனுக்கள் உச்சநீதிமன்ற தலைமை நீதிபதி டி. ஒய். சந்திரசூட், நீதிபதிகள் சஞ்சய் கிஷன் கவுல், சஞ்சீவ் கண்ணா, பி.ஆர். கவாய் மற்றும் சூர்யா காந்த் ஆகியோர் கொண்ட அமர்வு முன்பு, கடந்த ஆகஸ்ட் 2ஆம் தேதி விசாரணைக்கு வந்தது. அப்போது இருதரப்பு வாதமும் நிறைவடைந்த நிலையில்,உச்சநீதிமன்றம் தீர்ப்பை தேதி குறிப்பிடாமல் ஒத்தி வைத்தது.
இந்நிலையில் பெரும் எதிர்பார்ப்புக்கிடையே இந்த வழக்கில் உச்சநீதிமன்றம் இன்று தீர்ப்பு வழங்க உள்ளது.அதில் ஜம்மு காஷ்மீருக்கு சிறப்பு அந்தஸ்து அளித்த சட்டப்பிரிவு 370 ரத்து செல்லும் என்றும் மேலும், அங்கு வரும் 2024 செப்டம்பருக்குள் தேர்தலை நடத்த வேண்டும் என்றும் உச்ச நீதிமன்றம் அறிவுறுத்தியுள்ளது.
இது குறித்து பிரதமர் வெளியிட்டுள்ள ட்விட்டர் பதிவில்…
“சட்டப்பிரிவு 370 ஐ ரத்து செய்வது தொடர்பான இன்றைய உச்ச நீதிமன்ற தீர்ப்பு வரலாற்று சிறப்புமிக்கது மற்றும் 5 ஆகஸ்ட் 2019 அன்று இந்திய நாடாளுமன்றம் எடுத்த முடிவை அரசியலமைப்பு ரீதியாக உறுதிப்படுத்துகிறது; இது நம்பிக்கை, முன்னேற்றம் மற்றும் ஒற்றுமையின் ஒரு அற்புதமான அறிவிப்பு. ஜம்மு, காஷ்மீர் மற்றும் லடாக்கில் உள்ள எங்கள் சகோதரிகள் மற்றும் சகோதரர்களுக்காக, நீதிமன்றம்,இந்தியர்களாகிய நாம், எல்லாவற்றிற்கும் மேலாக அன்பாகவும், போற்றவும் வைத்திருக்கும் ஒற்றுமையின் சாரத்தை வலுப்படுத்தியுள்ளது.
ஜம்மு, காஷ்மீர் மற்றும் லடாக் மக்களுக்கு உங்கள் கனவுகளை நிறைவேற்றுவதற்கான எங்கள் அர்ப்பணிப்பு அசைக்க முடியாதது என்பதை நான் உறுதியளிக்க விரும்புகிறேன். முன்னேற்றத்தின் பலன்கள் உங்களைச் சென்றடைவது மட்டுமல்லாமல், மிகவும் பாதிக்கப்படக்கூடிய மற்றும் விளிம்புநிலை பிரிவினருக்கும் அவர்களின் நன்மைகளை வழங்குவதை உறுதி செய்வதில் நாங்கள் உறுதியாக இருக்கிறோம். சட்டப்பிரிவு 370 காரணமாக பாதிக்கப்பட்ட நமது சமூகம்” என்று பிரதமர் மோடி பதிவிட்டுள்ளார்.
