தமிழக மீனவர்கள் மீது இலங்கை கடல் கொள்ளையர்கள் நடத்திய தாக்குதலில் 4 மீனவர்கள் படுகாயங்களுடன் மருத்துவமனையில் அனுமதிக்கப்பட்டுள்ளனர்.
வேதாரண்யம் அருகே உள்ள மீனவ கிராமத்தில் இருந்து நேற்று சந்திரகாசன் என்பவருக்கு சொந்தமான பைபர் படகில் பன்னீர்செல்வம், வேல்முருகன், ராஜேஷ், முத்துக்கிருஷ்ணன் ஆகிய 4 மீனவர்கள் மீன்பிடிக்க கடலுக்குச் சென்றுள்ளனர் .
கோடியக்கரைக்கு தென்கிழக்கில் இன்று மீன்பிடித்துக் கொண்டிருந்தபோது இலங்கையைச் சேர்ந்த 8 கடற்கொள்ளையர்கள் தமிழக மீனவர்களின் படகை வழிமறித்து கத்தி மற்றும் இரும்பு கம்பியால் தாக்கியுள்ளனர்.
கொள்ளையர்கள் தாக்கியதில் படுகாயமடைந்த மீனவர்கள் உடனே கரைக்கு திரும்பிய தற்போது ம்ருத்துவமனையில் சிகிச்சைக்காக அனுமதிக்கப்பட்டுள்ளனர் .
வேதாரண்யம் பகுதி மீனவர்கள் மீது ஒரு வாரத்தில் மூன்றாவது முறையாக இலங்கை கடற்கொள்ளையர்கள் தாக்குதல் நடத்திய சம்பவம் மீனவர்கள் மத்தியில் பெரும் அச்சத்தை ஏற்படுத்தியுள்ளது.
