ககன்யான் திட்டத்தில் விண்வெளி வீரர்களாக தேர்வு (Gaganyaan) செய்யப்பட்டுள்ள 4 பேரில் தமிழகத்தை சேர்ந்த அஜித் கிருஷ்ணனும் ஒருவர். அவருக்கு தற்போது உலகெங்கிலும் இருந்து பாராட்டுக்கள் குவிந்து வருகிறது.
திருவனந்தபுரத்தில் நேற்று நடைபெற்ற நிகழ்ச்சியில் ககன்யான் திட்டத்தில் விண்வெளிக்கு செல்லும் வீரர்களை பிரதமர் நரேந்திர மோடி அறிமுகம் செய்துவைத்தார்.
ககன்யான் திட்டத்தில் விண்வெளி செல்லும் 4 வீரர்கள் அறிமுகம்!
-பிரசாந்த் பாலகிருஷ்ணன் நாயர்,குரூப் கேப்டன்
-அஜித் கிருஷ்ணன், குரூப் கேப்டன்
-அங்கத் பிரதாப்,குரூப் கேப்டன்
-சுபான்ஷு சுக்லா, விங் கமாண்டர்
இந்நிலையில் இந்த திட்டத்தில் விண்வெளி வீரர்களாக தேர்வு செய்யப்பட்டுள்ள 4 பேரில் தமிழகத்தை சேர்ந்த அஜித் கிருஷ்ணனும் ஒருவராக உள்ளார் .
1982ம் ஆண்டு ஏப்ரல்19ம் தேதி சென்னையில் பிறந்தவர் தான் அஜித் கிருஷ்ணன். அவர் தேசிய பாதுகாப்பு அகாடமியில் பயின்று தேர்ச்சி பெற்றார் .
பின்னர் விமானப்படை பயிற்சி அகாடமியில் சிறப்பாக செயல்பட்டதற்காக, ஜனாதிபதியின் தங்கப் பதக்கம் மற்றும் மரியாதை வாள் ஆகியவற்றைப் பெற்றுள்ளார் .
அஜித் கிருஷ்ணன், 2023 ஜூன் 21ல், இந்திய விமானப்படையின் போர் விமானப் பிரிவில் நியமிக்கப்பட்டார்.
இவர் பயிற்சி விமானிகளுக்கு பயிற்றுவிப்பாளராகவும், இந்திய விமானப்படையின் புதிய விமானங்களுக்கான டெஸ்ட் பைலட்டாகவும் தற்போது இருந்து வருகிறர் .
Also Read : https://itamiltv.com/order-to-release-keeladi-excavation-report/
அஜித் கிருஷ்ணனுக்கு 2,900 மணி நேரத்திற்கும் மேலாக விமானம் ஓட்டிய அனுபவம் உள்ளது என கூறப்படுகிறது . அவர் சூ-30 எம்கேஐ, மிக்-21, மிக்-29, ஜாக்குவார்
டோர்னியர், An-32 உள்ளிட்ட பல்வேறு விமானங்களை (Gaganyaan) ஓட்டிய அனுபவம் உள்ளது. அவர் வெலிங்டனில் உள்ள பாதுகாப்புப் பணியாளர்கள் சேவைக் கல்லூரியில் பயிற்சி பெற்றவர் என்பது குறிப்பிடத்தக்கது.
