நாடு முழுவதும் மே 7-ம் தேதி இளங்கலை மருத்துவப் படிப்புக்களில் சேர்வதற்கான நீட் நுழைவுத் தேர்வு நடைபெறுகிறது. இதற்காக மார்ச் 6-ம் தேதி முதல் தேசிய தேர்வு முகமையின் அதிகாரப்பூர்வ இணையதளத்தில் விண்ணப்பங்கள் பெறப்பட்டு வந்தன.இந்த நிலையில் இன்று மாலை விண்ணப்பங்களை சமர்ப்பிக்க கடைசி தேதி என அறிவிக்கப்பட்டுள்ளது.
மேலும் இந்த தேர்விற்கான விண்ணப்பிப்பது எப்படி?
விண்ணப்பப் படிவம் வெளியான உடன், தகுதியான தேர்வர்கள் neet.nta.nic.in இணையதளத்திற்கு செல்ல வேண்டும்.
Candidate Activity என்ற இணைப்பை க்ளிக் செய்யவும்.
அதில் NEET UG 2023 registration link என்ற இணைப்பை க்ளிக் செய்யவும்.
அங்கு திறக்கப்படும் பக்கத்தில் தேர்வர்களின் விவரங்களைப் பூர்த்தி செய்து, ஆவணங்களைப் பதிவேற்றம் செய்யவும்.
விண்ணப்பக் கட்டணத்தைச் செலுத்தி படிவத்தைத் தரவிறக்கம் செய்து கொள்ளலாம்.
தேர்வர்கள் விண்ணப்பிக்க:
https://examinationservices.nic.in/neet2023/root/home.aspx?enc=Ei4cajBkK1gZSfgr53ImFcFR+natXIEjJ1rCf6DMgOrFA4SfAMU1biZWfro5QnPt என்ற இணைப்பை க்ளிக் செய்யவும்.
விண்ணப்ப கட்டணம்.
நீட் நுழைவுத் தேர்வுக்கு விண்ணப்ப கட்டணமானது, பொதுப் பிரிவினர் – ரூ.1700, உயர் சாதி பொதுப் பிரிவினர், க்ரீமி லேயர் அல்லாத ஓபிசி பிரிவினர் – ரூ.1600, எஸ்சி/ எஸ்டி/ மாற்றுத் திறனாளி மற்றும் மூன்றாம் பாலினத்தவர் – ரூ.1000, இந்தியாவுக்கு வெளியே தேர்வு எழுதுவோர்- ரூ.9,500 என்று தெரிவிக்கப்பட்டுள்ளது. இவற்றுடன் செயலாக்கக் கட்டணம் மற்றும் ஜிஎஸ்டி ஆகியவையும் செலுத்தப்பட வேண்டும்.
இதுவரை தமிழகத்தில் இருந்து 1.05 லட்சம் பேர் நீட் நுழைவுத்தேர்வு எழுத விண்ணப்பித்துள்ளனர். தமிழகம் மட்டும் இன்றி நாடு முழுவதும் நீட் தேர்விற்கு விளக்கு வேண்டி போராட்டம் நடத்தி வருவது என்பது குறிப்பிடத்தக்கது.
