ஒற்றுமை யாத்திரையின் குரலை யாராலும் அடக்க முடியாது என்று காங்கிரஸ் எம்.பி. ராகுல் காந்தி கூறினார்.
காங்கிரஸ் எம்பி ராகுல்(raghul) காந்தி நேற்று கர்நாடகாவில் (karnatakaa )ஒற்றுமை நடைபயணத்தை தொடங்கினார். காங்கிரஸ் முன்னாள் தலைவர் ராகுல் காந்தி கடந்த 7ம் தேதி கன்னியாகுமரியில் ஒற்றுமை பாத யாத்திரையை தொடங்கி வைத்தார். தமிழகம், கேரளாவைத் தொடர்ந்து கர்நாடகாவின் சாம்ராஜ்நகர் மாவட்டத்தில் நேற்று நுழைந்தார்.
அவரை கர்நாடக காங்கிரஸ் தலைவர் டிகே சிவகுமார், முன்னாள் முதல்வர் சித்தராமையா, முன்னாள் துணை முதல்வர் பரமேஷ்வர் உள்ளிட்டோர் வரவேற்றனர். ராகுல் காந்தியின் பின்னால் ஆயிரக்கணக்கான காங்கிரசார் மற்றும் பொதுமக்கள் சென்றனர்.
அப்போது குண்டுலுபேட்டையில் பேசிய அவர், “ஆர்எஸ்எஸ் மற்றும் பாஜகவின் ஒரே நோக்கம் வெறுப்பை பரப்புவதும், ஒற்றுமை யாத்திரையை அழிப்பதும்தான். இந்த நடைபயணத்தின் போது மக்களின் வலியை நான் கேட்கிறேன். அவர்களின் வலி எனக்குத் தெரியும்.
வேலையில்லா திண்டாட்டம், விலைவாசி உயர்வு, விவசாயிகள் பிரச்சனை, பொதுத்துறை நிறுவனங்களை தனியார்மயமாக்குதல் போன்றவற்றின் வலியை ஒட்டுமொத்த தேசமும் என்னுடன் பகிர்ந்து கொள்கிறது. . இந்த யாத்திரையை எந்த சக்தியாலும் முடக்க முடியாது. இந்த யாத்திரை தேசத்தின் ஒருமித்த குரல்,” என்றார்.
17 மாவட்டங்களில் 511 கி.மீ.: மைசூர், மாண்டியா, தும்கூர், சித்ரதுர்கா, பெல்லாரி, ராய்ச்சூர் வழியாக தெலுங்கானா செல்கிறார் ராகுல் காந்தி. கர்நாடகாவில் உள்ள 17 மாவட்டங்களில் 511 கிலோ மீட்டர் தூரத்தை 21 நாட்களில் கடக்க திட்டமிட்டுள்ளார். இந்த யாத்திரையின் போது மடாதிபதிகள், விவசாயிகள், பெண்கள் அமைப்புகள், பட்டியல் சாதியினர் மற்றும் பழங்குடியின அமைப்புகளைச் சந்திக்க அவர் திட்டமிட்டுள்ளார்.
இதற்கிடையில் தசரா பண்டிகையையொட்டி பாதயாத்திரைக்கு 2 நாட்கள் விடுமுறை அளித்து ஓய்வு எடுக்க உள்ளார். வரும் 19ம் தேதி பெல்லாரியில் நடக்கும் பொதுக்கூட்டத்தில் ராகுல் காந்தி பங்கேற்கிறார். இதில் சோனியா காந்தி, பிரியங்கா காந்தி பங்கேற்பார்கள் என அறிவிக்கப்பட்டுள்ளது.
கர்நாடகாவில் அடுத்த ஆண்டு சட்டசபை தேர்தல் நடைபெறவுள்ள நிலையில், ராகுல் காந்தியின் பாதயாத்திரை முக்கியத்துவம் பெற்றுள்ளது. ராகுல் காந்தியின் செல்வாக்கை வெளிப்படுத்தும் வகையில் 17 மாவட்டங்களிலும் அவரை வரவேற்க காங்கிரஸ் மாநிலத் தலைவர் டி.கே.சிவக்குமார் பிரமாண்ட ஏற்பாடுகளைச் செய்துள்ளார்.
