20 ஓவர் உலகக்கோப்பை தொடரின் முக்கிய சுற்றான சூப்பர் 12 சுற்று போட்டிகள் நாடிபெற்று வருகின்றன. நேற்று நடந்த போட்டியில் குரூப் 2 இல் இடம்பெற்றுள்ள இந்தியா – தென் ஆப்பிரிக்கா அணிகள் பலபரீட்சை செய்தன. இந்த உலக்கோப்பை தொடரில் இந்த இரண்டு அணிகளும் இதுவரை ஒரு தோல்வி கூட பெறவில்லை.
டாஸ் வென்ற இந்திய அணியின் கேப்டன் ரோஹித் ஷர்மா முதலில் பேட்டிங் செய்ய முடிவெடுத்தார். பேட்டிங்கை ஆரம்பித்த இந்திய அணி முதல் ஓவரிலிருந்து தடுமாறியது தொடக்க வீரர் ராகுல் வழக்கம் போல வந்த வேகத்தில் வெளியேறினார். தென் ஆப்பிரிக்காவின் அதிரடி பந்து வீச்சில் சிக்கிய இந்திய அணி அடுதடுத்த ஓவரில் ரோஹித் ஷர்மா, கோலியை இழந்தது.
50 ரன் கடப்பதற்குள் 5 முக்கிய விக்கெட் பரிப்போனது. சூர்யா குமார் மட்டும் பொறுப்புடன் விளையாடி அணியை சரிவிலிருந்து மீட்டார்.சூர்ய குமார் 40 பந்துகளில் 68 ரன்கள் சேர்த்தது தான் அதிகப்படியான ரன்னாகும். மற்றவர்கள் ஒற்றை இலக்கில் அவுட் ஆகினார். இறுதியில் இந்தியா 9 விக்கெட் இழப்பிற்கு 133 ரன்கள் மட்டுமே குவித்தது.
தென் ஆப்பிரிக்கா அணியின் லுங்கி கிடி அதிரடியாக பந்து வீசி அணியின் 4 முக்கிய விக்கெட்களை கைபற்றினார். பர்னல் 3 விக்கெட்டை சாய்த்தார். இதனையடுத்து பேட் செய்த தென் ஆப்பிரிக்கா தொடக்கத்தில் இந்திய அணியின் பந்து வீச்சிள் சிறிது தடுமாற்றம் அடைந்தது. அரஷ்தீப் 2 விக்கெட்டும், ஷமி 1 விக்கெட்டும் சாய்த்து அசத்தினர்.
ஆனால் பின்னால் வந்த மார்க்கரம் – மில்லர் இணையின் ஆட்டம் இந்திய அணிக்கு சோதனையானது. இருவரின் பார்ட்னர்ஷிப் மூலம் தென் ஆப்பிரிக்கா வெற்றியை நோக்கி நகர்ந்தது. இறுதியில் மில்லர் அதிரடி காட்ட 19.4 ஓவரில் வெற்றி இலக்கை எட்டியது. 5 விக்கெட் வித்தியாசத்தில் வெற்றி பெற்ற தென் ஆப்பிரிக்கா 5 புள்ளிகள் பெற்று புள்ளி பட்டியலில் முதல் இடம் பிடித்தது .
குரூப் 2 பிரிவில் இதுவரை தென் ஆப்பிரிக்கா மட்டுமே அரை இறுதி செல்வது உறுதியாகியுள்ளது. இந்த போட்டியில் தோல்வியடைந்ததை அடுத்து இந்திய அணி அரை இறுதி போட்டிக்கு செல்வது முடிவாகவில்லை. இனி வரும் பங்களாதேஷ், ஜிம்பாப்வே அணிக்கு எதிரான போட்டியில் வென்றால் மட்டுமே அரை இறுதி போட்டிக்குள் நுழைவது உறுதியாகும்.
இந்திய அணி இந்த போட்டியில் வென்றால் பாகிஸ்தான் அணி அரை இறுதி செல்வதற்கு சற்று வாய்ப்பு இருந்திருக்கும் . ஆனால் தற்போது அந்த வாய்ப்பை தென் ஆப்பிரிக்கா தட்டி சென்றது.