“சந்திரமுகி 2” முதல் பாடல் -சமூக வலைத்தளங்களில் வைரல்.

சந்திரமுகி 2′ திரைப்படத்தின் ஸ்வாகதாஞ்சலி பாடல் நேற்று வெளியாகிய நிலையில் சமூக வலைத்தளங்களில் வைரலாகி வருகிறது.

ரஜினிகாந்த், ஜோதிகா, நயன்தாரா, பிரபு, வடிவேலு நடித்து 2005-ம் ஆண்டு வெளியான சந்திரமுகி திரைப்படத்தின் 2-ம் பாகம் இப்போது உருவாகியுள்ளது.
இயக்குனர் பி.வாசு இயக்கத்தில் பிரமாண்டமாக உருவாகி வரும் இந்தப் படத்தில் ராகவா லாரன்ஸ் கதாநாயகனாக நடித்துள்ளார்.

தமிழ், தெலுங்கு, மலையாளம், இந்தி, கன்னடம் ஆகிய மொழிகளில் வெளியாகவுள்ள இந்த படத்தை லைகா நிறுவனம் தயாரித்துள்ளது, இந்த படத்திற்கு எம்.எம் கீரவாணி இசையமைத்துள்ளார்.

மேலும் இந்த திரைப்படத்தில் கங்கனா ரனாவத் முக்கிய கதாப்பாத்திரத்தில் நடித்துள்ளார். மேலும் வடிவேலு, ராதிகா உள்ளிட்ட பல திரைப்பிரபலங்கள் இதில் நடித்திருக்கின்றனர். விநாயகர் சதுர்த்தி அன்று செப்.19ம் தேதி வெளியாக உள்ளதாக படக்குழு அறிவித்துள்ள நிலையில் சந்திரமுகி 2′ படத்தின் இறுதிக் கட்டப்பணிகள் நடந்து வருகின்றன.

சமீபத்தில் லாரன்ஸ் மற்றும் கங்கனா ரனாவத்தின் ஃபர்ஸ்ட்லுக் போஸ்டர் வெளியானதை அயடுத்து இப்படத்தின் முதல் பாடலான ‘ஸ்வாகதாஞ்சலி’ பாடல் நேற்று மாலை 5 மணிக்கு வெளியாகும் என படக்குழு அறிவித்திருந்தது.

அதன்படி, இப்பாடல் நேற்று வெளியாகி சமூக வலைதளத்தில் ட்ரெண்டாகி வருகிறது.