சூர்யாவின் நடிப்பில் உருவாகி உள்ள கங்குவா படத்தின் புதிய ரிலீஸ் தேதியை படக்குழு அறிவித்துள்ளது.
தமிழ் சினிமாவில் இருக்கும் பல மாஸ் நடிகர்களுள் ஒருவராக வலம் வரும் நடிகர் சூர்யா . இவரது நடிப்பில் தற்போது பல படங்கள் உருவாகி வரும் நிலையில் அதில் ரிலீஸுக்கு தயாராக உள்ள திரைப்படமே கங்குவா.
ஸ்டுடியோ கிரீன் மற்றும் யுவி கிரியேஷன்ஸ் இணைந்து மிக பெரிய பொருட்செலவில் தயாரித்து உள்ள இப்படத்தை சிறுத்தை சிவா இயக்க தேவி ஸ்ரீ பிரசாத் இசையமைத்துள்ளார்.
சூர்யா கத்தியின் நாயகனாக நடிக்கும் இப்படத்தில் கோவை சரளா, யோகி பாபு, ரெடின் கிங்ஸ்லி, ஆனந்தராஜ், ரவி ராகவேந்திரா, கே.எஸ்.ரவிக்குமார் மற்றும் பி.எஸ்.அவினாஷ் உள்ளிட்ட முன்னணி நடிகர்கள் முக்கிய கதாபாத்திரங்களில் நடிக்கின்றனர் .
Also Read : சென்னையில் சூட்கேஸில் துண்டு துண்டாக வெட்டப்பட்ட பெண் சடலம் கண்டெடுப்பு..!!
ரசிகர்களின் மிக பெரிய எதிர்பார்ப்புக்கிடையே தரமாக தயாரான இப்படத்தின் டீஸர் மற்றும் ட்ரைலர் ரசிகர்களின் அமோக வரவேற்பை பெற்ற நிலையில் தற்போது இப்படத்தை திரையரங்குகளில் காண அனைவரும் ஆவலாக காத்திருக்கின்றனர்.
இந்நிலையில் இப்படம் தீபாவளி அன்று வெளியாக இருந்த நிலையில் சில பல காரணங்களுக்காக படத்தின் ரிலீஸ் தேதியை படக்குழு தள்ளி வைத்தது . இந்நிலையில் தற்போது புதிய ரிலீஸ் தேதியை படக்குழு வெளியிட்டுள்ளது.
அதன்படி சூர்யாவின் கங்குவா திரைப்படம் நவம்பர் 14ம் தேதி திரையரங்குகளில் வெளியாக உள்ளதாக படக்குழு அதிகாரப்பூர்வமாக அறிவித்துள்ளது.
