மறைந்த முன்னாள் முதலமைச்சர் கலைஞர் அவர்களின் நூற்றாண்டு விழாவை கோலாகலமாக கொண்டாடப்பட்டு வரும் நிலையில் திமுக மகளிரணி சார்பில் வினாடி வினா போட்டி நடத்தப்பட உள்ளதாக தமிழ்நாடு முதலமைச்சர் மு.க.ஸ்டாலின் அறிவித்துள்ளார்.
இதுகுறித்து தனது ட்விட்டர் பக்கத்தில் பதிவிட்டுள்ள முதலமைச்சர் மு.க.ஸ்டாலின் கூறிருப்பதாவது :
தமிழினத் தலைவர் கலைஞர் அவர்களின் நூற்றாண்டைக் கொண்டாடும் வகையில் கழக மகளிரணி சார்பில் தங்கை கனிமொழி எம்.பி முன்னெடுக்கும் #கலைஞர்100-இல் வினாடி – வினாப் போட்டி முயற்சி பாராட்டத்தக்கது.
![](https://i0.wp.com/itamiltv.com/wp-content/uploads/2023/09/image-113.png?resize=1024%2C576&ssl=1)
செப்டம்பர் 15-ஆம் நாள் தொடங்கவுள்ள உள்ள #Kalaignar100quiz வினாடி வினாப் போட்டிக்கு இப்போதில் இருந்தே தயாராகுங்கள் என தனது ட்விட்டர் பதிவில் முதலமைச்சர் மு.க.ஸ்டாலின் தெரிவித்துள்ளார்.
இதையடுத்து கனிமொழி எம்.பி. தனது ட்விட்டர் பக்கத்தில் இதுகுறித்து வெளியிட்டுள்ள செய்திக்குறிப்பில் கூறிருப்பதாவது :
அறிவியக்கமாக வாழ்ந்து வழிகாட்டிய தலைவர் கலைஞர் அவர்களின் நூற்றாண்டில், திராவிட இயக்கத்தின் கொள்கைகளையும் வரலாற்றுச் சிறப்புகளையும் முற்றிலும் புதிய பரிமாணத்தில் எடுத்துச் செல்லும் முயற்சி ‘கலைஞர் 100 – வினாடி வினா’ போட்டி!
![](https://i0.wp.com/itamiltv.com/wp-content/uploads/2023/09/image-114.png?resize=669%2C502&ssl=1)
செப்டம்பர் 15 அன்று துவங்கவுள்ள நிகழ்வுக்கு, இன்று முதல் உங்களைத் தயார் செய்து கொள்ளுங்கள்.
இந்நிகழ்வைத் துவங்கி வைக்கும் தமிழ்நாடு முதலமைச்சர் தளபதி திரு.மு.க.ஸ்டாலின் அவர்களுக்கு நன்றி என தனது ட்விட்டர் பதிவில் கனிமொழி எம்.பி தெரிவித்துள்ளார்.