tnpsc-announcement-that-the-exam-will-be-held-on-the-22nd

சார்நிலைப் பணிகளில் அடங்கிய ஆராய்ச்சி உதவியாளர் பதவிகளுக்கான எழுத்துத் தேர்வு 22-ம் நடைபெறும் என தேர்வாணையம் தெரிவித்துள்ளது.இதுகுறித்து தமிழ்நாடு அரசுப்பணியாளர் தேர்வாணையம் வெளியிட்டுள்ள அறிவிப்பில் கூறியதாவது;

தமிழ்நாடு பொது சார்நிலைப் பணிகளில் அடங்கிய ஆராய்ச்சி உதவியாளர் பதவிகளுக்கான எழுத்துத் தேர்வு 22ஆம் நடைபெற உள்ளது. தேர்வு எழுத அனுமதிக்கப்பட்ட விண்ணப்பதாரர்களின் தேர்வுக்கூட நுழைவுச் சீட்டுகள் தேர்வாணையத்தின் இணைய தளமான www.tnpsc.gov.in மற்றும் www.tnpscexams.in என்ற இணையத்தில் பதிவேற்றம் செய்யப்பட்டுள்ளது.

விண்ணப்பதாரர்கள் தங்களுடைய விண்ணப்ப எண் மற்றும் பிறந்த தேதியை உள்ளீடு செய்து, நுழைவுச்சீட்டினை பதிவிறக்கம் செய்ய செய்துகொள்ளலாம்.
தேர்வர்கள் விடைத்தாளில் விவரங்களைப் பூர்த்தி செய்யவும் விடைகளைக் குறிக்கவும் கறுப்பு நிற மை பந்து முனை பேனா மட்டுமே பயன்படுத்த வேண்டும். தவறினால் அவ்வாறான விடைத்தாள்கள் தேர்வாணையத்தால் செல்லாததாக்கப்படும்.

tnpsc-announcement-that-the-exam-will-be-held-on-the-22nd — tnpsc announcement that the exam will be held on the 22nd

எந்த ஒரு தேர்வரும் காலையில் நடைபெறும் தேர்விற்கு 9.15 மணிக்குப் பின்னர் தேர்வு அறைக்குள் நுழையவோ 1.15 மணிக்கு முன்னர் தேர்வு அறையில் இருந்து வெளியேறவோ அனுமதிக்கப்பட மாட்டார்கள். எந்த ஒரு தேர்வரும் மாலையில் நடைபெறும் தேர்விற்கு 2.15 மணிக்குப் பின்னர் தேர்வு அறைக்குள் நுழையவோ 5.15 மணிக்கு முன்னர் தேர்வு அறையில் இருந்து வெளியேறவோ அனுமதிக்கப்பட மாட்டார்கள்.

விண்ணப்பதாரர்கள் தமக்கு ஒதுக்கப்பட்ட தேர்வுக்கூடம் அமைந்துள்ள இடத்தினை எளிதில் தெரிந்துகொள்ளும் பொருட்டுத்தேர்வுக்கூட நுழைவுச்சீட்டில், QR CODE அச்சிடப்பட்டுள்ளது. இதனை QR CODE செயலி மூலம் ஸ்கேன் செய்து தேர்வுக்கூடம் அமைந்துள்ள இடத்தினை Google Maps மூலமாகத் தெரிந்து கொண்டு பயன் பெறலாம். தேர்வு அறைக்குள் அலைபேசி மற்றும் வேறு ஏதேனும் மின்னணு உபகரணங்கள் கொண்டுசெல்ல அனுமதியில்லை என தெரிவிக்கப்பட்டுள்ளது.