Mallikarjun Kharge : தேர்தல் ஆணையத்தின் சுதந்திரம் மற்றும் வலிமைக்காக காங்கிரஸ் குரல் கொடுக்கிறது. ஆனால் தேர்தல் ஆணையத்தின் அதிகாரிகள் யார் பக்கம் நிற்கின்றனர் என்பதை அவர்களே முடிவுசெய்யட்டும் என மல்லிகார்ஜுன் கார்கே தனது கடிதத்தில் தெரிவித்துள்ளார்.
இதையும் படிங்க : சாலையில் சிதறிய ரூ.7 கோடி.. போலீசார் விசாரணை!!
நாடாளுமன்ற தேர்தல் கடந்த ஏப்ரல் 19ஆம் தேதி தொடங்கி 7 கட்டங்களாக நடைபெற்று வரும் நிலையில், வாக்குப்பதிவு புள்ளி விபரங்கள் அளிப்பதில் காலதாமதம் மற்றும் முரண்பாடுகள் ஏற்படுவதால்,
தேர்தல்களின் சுதந்திரமான மற்றும் நியாயமான தன்மை குறித்து கடுமையான சந்தேகங்களை எழுப்புகின்றன என தேர்தல் ஆணையத்தை காங்கிரஸ் தலைவர் மல்லிகார்ஜுன கார்கே கடிதம் அனுப்பி விமர்சித்து இருந்தார்.
அதன் பின்னர், வாக்குப்பதிவு தரவுகள் குறித்து விமர்சித்த மல்லிகார்ஜுன கார்கேவுக்கு இந்திய தேர்தல் ஆணையம் கண்டனம் தெரிவித்தது.
வாக்குப்பதிவு சதவீதத்தில் முரண்பாடுகள் இருப்பதாக கூறுவது உண்மைக்கு புறம்பானது என்றும் எச்சரிக்கை விடுத்து இருந்தது.
![Mallikarjun Kharge](https://i0.wp.com/itamiltv.com/wp-content/uploads/2024/05/image-168.png?resize=600%2C338&ssl=1)
இந்த நிலையில், தேர்தல் ஆணையம் தனது கருத்துக்கு பதிலளித்த நிலையில், மீண்டும் மல்லிகார்ஜுன கார்கே இந்த விவகாரம் தொடர்பாக பதில் கடிதம் அனுப்பியுள்ளார். அதில் அவர் கூறியிருப்பதாவது..
நான் கடந்த வாரம் எழுதிய கடிதம் தேர்தல் ஆணையத்திற்கு எழுதவில்லை. எங்களின் கூட்டணி கட்சிகளுக்கு எழுதியது.
நேரடியாக அளிக்கும் புகார்களையே கண்டுகொள்ளாத தேர்தல் ஆணையம், தனது கூட்டணி கட்சிகளுக்கு தான் எழுதிய கடிதத்துக்கு பதிலளித்து இருப்பது ஆச்சரியம் அளிக்கிறது.
ஒருபக்கம் குடிமக்களின் கேள்வி உரிமையை மதிப்பதாக கூறும் தேர்தல் ஆணையம், மற்றொரு பக்கம் அறிவுரை என்ற பெயரில் மிரட்டுகிறது.
காங்கிரஸ் கட்சி தேர்தல் ஆணையத்தின் பக்கம் நிற்கிறது. தேர்தல் ஆணையத்தின் சுதந்திரம் மற்றும் வலிமைக்காக காங்கிரஸ் குரல் கொடுக்கிறது.
ஆனால் தேர்தல் ஆணையத்தின் அதிகாரிகள் யார் பக்கம் நிற்கின்றனர் என்பதை அவர்களே முடிவுசெய்யட்டும்.” என அந்த பதில் கடித்தில் தெரிவித்துள்ளார் Mallikarjun Kharge.
இதையும் படிங்க : மாணவர்களே .. 10ஆம் வகுப்பு துணைத் தேர்வு – மே 16 முதல் விண்ணப்பம்!