விஜய் அண்ணா கூட போட்டியா.. தளபதி விஜய் அவர்கள் தற்போது அரசியலில் நுழைந்துள்ள நிலையில், விஜய் குறித்து அமைச்சர் உதயநிதி ஸ்டாலின் போட்ட பழைய டுவிட் ஒன்று தற்போது மீண்டும் இணையத்தில் வைரலாகி வருகிறது.
நடிகர் விஜய் தனது அரசியல் வருகையை, ‘தமிழக வெற்றி கழகம்’ என்கிற கட்சியை தொடங்கி அண்மையில் அதிகாரப்பூர்வமாக அறிவித்துள்ளார். இவரது அரசியல் வருகையால் தமிழக அரசியல் களம் தற்போது சூடுபிடித்துள்ளது.
இதையும் படிங்க : எம்ஜிஆர்-ஐ விமர்சித்த ஆ.ராசா : இபிஸ் தலைமையில் மாபெரும் கண்டன ஆர்ப்பாட்டம்!
இந்த நிலையில், வருகிற 2026-ம் ஆண்டு நடைபெற உள்ள சட்டமன்ற தேர்தலில் திராவிட கட்சிகளுக்கு விஜய்யின் கட்சி கடும் போட்டியாக இருக்கும் என்று அரசியல் விமர்சகர்கள் கூறி வருகின்றனர்.
அதிலும் குறிப்பாக 2026-ம் ஆண்டு நடைபெற போகும் தேர்தல் உதயநிதி vs விஜய் என்று தான் இருக்கும் எனவும் கூறப்படுகிறது.
தற்போதைய சூழலில் விஜய்யின் அரசியல் வருகைக்கு பல தரப்பில் இருந்தும் வாழ்த்துக்களும், பாராட்டுகளும் குவிந்த வண்ணம் உள்ளன.
அந்த வகையில், அமைச்சர் உதயநிதி ஸ்டாலினும் விஜய்யின் அரசியல் வருகைக்கு வாழ்த்து தெரிவித்து இருந்தார்.
அதில், நடிகர் விஜய்யின் மக்கள் பணி சிறக்க வாழ்த்துக்கள் என கூறி இருந்தார்.
இதனிடையே உதயநிதி ஸ்டாலின் 13 ஆண்டுகளுக்கு முன்னர் விஜய் பற்றி போட்ட எக்ஸ் தள பதிவு ஒன்று தற்போது மீண்டும் இணையத்தில் படு வைரல் ஆகி வருகிறது.
அதாவது உதயநிதி போட்டுள்ள அந்த பதிவில் (விஜய் அண்ணா கூட போட்டியா..), “காமெடி பண்ணாதீங்க ப்ரோ விஜய் அண்ணா கூட போட்டி போட நான் என்ன லூசா?” என பதிவிட்டிருக்கிறார்.
இந்த ட்வீட் உதயநிதி அவர்கள் சினிமாவில் ஹீரோவாக அறிமுகமான காலகட்டத்தில், நெட்டிசன் ஒருவர் நடிகராக நீங்கள் விஜய்க்கு போட்டியாக வருவீர்களா? என்று கேட்ட கேள்விக்கு தான்..
உதயநிதி விளையாட்டாக அளித்த பதில் இது. அந்த பதிவு தான் தற்போது அவருக்கு வினையாக மாறி உள்ளது.
அதிலும் குறிப்பாக, அந்த சமயத்தில் அரசியலுக்கு வரும் ஐடியாவிலேயே நான் இல்லை என்றும், தான் அரசியல் பக்கம் தலைகாட்டவே மாட்டேன் என்றெல்லாம் பல பேட்டிகளில் உதயநிதி இருக்கிறார்.
அப்படி சொன்னவர் இப்போது அமைச்சராக பதவி வகித்து இருக்கிறார். இதனை கலாய்க்கும் விதமாக தான், வருகிற 2026-ல் உதயநிதிக்கு விஜய் தான் கடும் போட்டியாக இருப்பார் என்றும்,
அவர் போட்ட பழைய ட்வீட்டையும் இணையத்தில் வைரலாக்கி வருகின்றனர் நெட்டிசன்கள்.
