சேலம் அருகே கள்ளக்காதல் விவகாரத்தில் மனைவி கொடூரமாக வெட்டிக்கொலை செய்யபட்ட சம்பவம் பெரும் அதிர்ச்சியையும் பரபரப்பையும் ஏற்படுத்தியுள்ளது.
சேலம் மாவட்டம் மேட்டூர் அருகே உள்ள கொளத்தூர் காவேரிபுரத்தை சேர்ந்தவர் கவிதா இவருக்கு ஏற்கனவே இரண்டு முறை திருமணமாகி விவாகரத்து ஆன நிலையில் கடந்த 2019-ம் ஆண்டு மூன்றாவதாக பாலவாடியைச் சேர்ந்த அருணாச்சலம் என்பவரை திருமணம் செய்துள்ளார்.
அருணாச்சலம் கவிதா தம்பதியினர் கொளத்தூரில் வாடகைக்கு வீடு எடுத்து வசித்து வந்தனர். இந்நிலையில் குடும்பத் தகராறு காரணமாக கடந்த நான்கு மாதங்களுக்கு முன்பு கவிதா கோவையில் உள்ள தனது தாய் வீட்டிற்கு சென்று விட்டார். இந்நிலையில் கோவைக்கு சென்ற அருணாச்சலம் மாமியார் வீட்டிற்கு சென்று சமாதானம் பேசி கவிதாவை தன்னுடன் கொளத்தூருக்கு அழைத்து வந்துள்ளார்.
Also Read : இலங்கை அதிபர் தேர்தல் வரலாற்றில் முதல் முறையாக 2ம் வாக்கு எண்ணிக்கை..!!
கணவனுடன் வீட்டிற்கு வந்த கவிதா நேற்று இரவு முழுவதும் வேருடன் செல்போனில் பேசியதாக கூறப்படுகிறது. இதனால் தம்பதியினர் இருவருக்கும் மீண்டும் சண்டை வந்துள்ளது . ஒருகட்டத்தில் கோபத்தின் உச்சிக்கு சென்ற கவிதாவை அறிவாளால் சரமாரியாக வெட்டியுள்ளார்.
இதில் தலையில் பலத்த காயம் அடைந்த கவிதா சம்பவ இடத்திலேயே துடிதுடித்து உயிரிழந்தார். தகவல் அறிந்து சம்பவ இடத்திற்கு வந்த போலீசார் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர்.
இதையடுத்து இச்சம்பவம் குறித்து வழக்கு பதிந்த போலீசார் கொலை செய்துவிட்டு தலைமறைவாக உள்ள அருணாச்சலத்தை தேடி வருகின்றனர்.
