ஜார்க்கண்ட் மாநிலத்தை சேர்ந்தவர் அணுல் அன்சாரி என்பவர் கோவை மாவட்டம் வால்பாறை அருகே ஊசிமலை எஸ்டேட் பகுதியில் உள்ள தேயிலை தோட்டத்தில் பணிபுரிந்து வருகிறார்.
இவரது 6 வயது மகள் அப்சரா. இன்று சிறுமி அப்சரா அப்பகுதியில் உள்ள தேயிலை தோட்டத்தில் தனது தாயுடன் நின்று கொண்டிருந்தார்.
அப்போது அங்கே பதுங்கி இருந்த சிறுத்தை, திடீரென யாரும் எதிர்பாராத சமயம் சிறுமி அப்சராவை கடித்து தேயிலை தோட்டத்திற்குள் இழுத்துச் சென்றுள்ளது.
இதையும் படிங்க : கனடாவில் பிரதமர் மோடியின் உருவ பொம்மையை தாக்கி ஆர்ப்பாட்டம்!
இதைப்பார்த்த சிறுமியின் தாய் அதிர்ச்சியில் அலறி கூச்சலிட்டுள்ளார். ஆனால், சிறுத்தை கடித்ததில் சிறுமி அப்சரா சம்பவ இடத்திலேயே உயிரிழந்தார்.
இந்த தகவலறிந்து சம்பவம் நடந்த அந்த பகுதிக்கு வந்த காவல் மற்றும் வனத்துறையினர், சிறுமியின் உடலை கைப்பற்றி பிரேத பரிசோதனைக்காக மருத்துவமனைக்கு அனுப்பி வைத்தனர்.
மேலும், இந்த சம்பவம் குறித்து விசாரித்து வருகின்றனர். இந்த கொடூர காட்சியை பார்த்த அப்பகுதி மக்கள் சிறுத்தையை பிடிக்க நடவடிக்கை எடுக்க வேண்டும் என வனத்துறையினரிடம் கோரிக்கை விடுத்து வருகின்றனர்.
