Akshay Trithi 2024 : வருகிற மே 10 2024 ஆண்டு அட்சய திருதியை அன்று தங்கம் தவிர வேறு என்னென்ன பொருட்கள் எல்லாம் வாங்கலாம் என்று பார்க்கலாம்..
இந்தியாவில் மிக பிரபலமாகக் கொண்டாடப்படும் விழாக்களில் ஒன்றான அட்சய திருதியை திருநாள் மங்களகரமான நாளாகவும், மங்கல பொருட்கள் வாங்குவதற்கு ஏற்ற நாளாகவும் கருதப்படுகிறது.
தங்கம் மகாலட்சுமியின் அடையாளமாக பார்க்கப்படுவதால் இந்த நாளில் தங்கம் வாங்கினால், வீட்டில் செல்வ செழிப்பு உண்டாகும் என்பது ஐதீகம்.
அக்ஷயா என்றால் சமஸ்கிருதத்தில் ‘அள்ள அள்ள குறையாதது’ என்றும், ‘திருதியை’ என்றால் ‘மூன்றாவது’ என்றும் அர்த்தம். அதாவது, அமாவாசை நாளையும், பூரணை நாளையும் அடுத்து வரும் மூன்றாவது திதி திருதியை.
எனவே, இந்த நாளில் வாங்கும் எந்தவொரு பொருளும் செழிப்பையும் நல்ல அதிர்ஷ்டத்தையும் தரும். அதாவது,
அட்சய திருதியை நாளில் தங்கம், வெள்ளி போன்ற ஆபரணங்கள் வாங்கினால் தொடர்ந்து வீட்டில் செல்வம் வளம் பெரும், நிறைய தங்கம் வாங்கும் யோகம் கிடைத்து தங்கம் சேரும் என்பது நம்பிக்கை.
இந்த ஆண்டு அட்சய திருதியை வருகிற மே 10ஆம் தேதி வருகிறது Akshay Trithi 2024..
அட்சய திரிதியை நாளில் அதிகாலையில் எழுந்து நீராடி, வீட்டை சுத்தம் செய்து விளக்கேற்றி கடவுளை வழிபட வேண்டும்.
வாசனை மலர்களை கொண்டு மகாலட்சுமி அம்மனை அர்ச்சனை செய்து வழிபட வேண்டும். இந்த வழிபாட்டின் போது துளசி இலைகள் நிச்சயமாக இருக்க வேண்டும்.
இவ்வாறு மகாலட்சுமியையும், பெருமாளை வழிபட செல்வ வளம் பெருகும். அள்ள அள்ள குறையாத செல்வம் வீட்டில் பெருகிக் கொண்டே இருக்கும் என்பது நம்பிக்கை.
மகாலட்சுமிக்கு பிரியமான பால் பாயாசம், கற்கண்டு போன்றவற்றை நைவேத்தியமாக படைத்து வழிபடலாம். முடியாதவர்கள், சர்க்கரை வைத்தும் பூஜை செய்யலாம்.
மேலும் இந்த நாளில் தங்கம் வாங்குவது அதிர்ஷ்டத்தை ஏற்படுத்தும் என்றாலும் வசதி இல்லாதவர்கள் மகாலட்சுமி வசிக்கும் உப்பு, மல்லிகை போன்ற வெள்ளை நிறத்தால் ஆன மங்கல பொருட்களை வாங்கி வைக்கலாம்.
தங்கம் தவிர, வளத்தின் அடையாளமான பருப்பு வகைகள், பசுமை மற்றும் ஆரோக்கியத்தின் அடையாளமான கீரை மற்றும் காய்கறிகள், செல்வத்தின் சின்னங்களான தானியங்கள், புனிதப்பொருளான நெய் ஆகியவற்றை தங்கத்திற்கு மாறாக வாங்கினால் வீட்டில் அதிர்ஷ்டம் பெருகும்.
பருத்தியை வாங்குவதன் மூலம் அமைதி மற்றும் செழிப்பு அதிகரிக்கும்.
இந்த நன்னாளில் ஒரு மண் பானை வாங்கினால் அது தங்கத்திற்கு இணையாக பலன் தரும்.
மகாலட்சுமிக்கு உகந்த மஞ்சள் கடுக்காய் விதைகள் வாங்கலாம்.
