ஆசிய விளையாட்டுப் போட்டி வரலாற்றில், டேபிள் டென்னிஸ் இரட்டையர் பிரிவில் இந்தியாவின் அஹிகா முகர்ஜி, சுதிர்தா முகர்ஜி இணை முதல் முறையாக பதக்கம் வென்று சாதனை படைத்துள்ளது.
19-வது ஆசிய விளையாட்டு போட்டிகள், சீனாவில் கடந்த 25 ஆம் தேதி கோலாகலமாக தொடங்கிய நிலையில், வரும் அக்டோபர் 8 ஆம் தேதி வரை நடைபெற இருக்கிறது.
இந்நிலையில் பல்வேறு பிரிவுகளில் இந்தியா சார்பாக பங்கேற்றுள்ள வீரர் வீராங்கனைகள் தங்களது திறமைகளை உலகிற்கு காட்டும் வகையில் பல பதக்கங்களை வென்று நாட்டிற்கு பெருமை சேர்த்து வருகின்றனர் .
அந்தவையில் ஆசிய விளையாட்டுப் போட்டி வரலாற்றில், டேபிள் டென்னிஸ் இரட்டையர் பிரிவில் இந்திய அணி முதல் முறையாக பதக்கம் வென்று சாதனை படைத்துள்ளது. இந்தியாவின் அஹிகா முகர்ஜி, சுதிர்தா முகர்ஜி இணை அபாரமாக ஆடி வெண்கல பதக்கம் வென்றுள்ளனர்.
![](https://i0.wp.com/itamiltv.com/wp-content/uploads/2023/10/image-41.png?resize=535%2C326&ssl=1)
இதே போல் தடகள வீராங்கனை பி.டி.உஷாவின் சாதனையை சமன் செய்துள்ளார் தமிழக வீராங்கனை வித்யா ராம்ராஜ்
ஆசிய விளையாட்டுப் போட்டியின் 400 மீட்டர் தடை தாண்டுதலில் 55.42 விநாடிகளில் இலக்கை அடைந்து வித்யா ராம்ராஜ் சாதனை படைத்துள்ளார் . 1984 ஒலிம்பிக் தொடரில் 55.42 விநாடிகளில் பி.டி.உஷா இலக்கை கடந்தது தேசிய சாதனையாக இருந்தது.
![](https://i0.wp.com/itamiltv.com/wp-content/uploads/2023/10/image-40.png?resize=600%2C338&ssl=1)
இதேபோல் மகளிருக்கான வட்டு எறிதல் போட்டியில் இந்திய வீராங்கனை சீமா புனியா வெண்கலம் பதக்கம் வென்று அசத்தியுள்ளார்.
![](https://i0.wp.com/itamiltv.com/wp-content/uploads/2023/10/image-39.png?resize=1024%2C614&ssl=1)
மகளிர் 100 மீட்டர் தடையோட்டப் பந்தயத்தில் இந்திய வீராங்கனை ஜோதி யார்ராஜி வெண்கலம் பதக்கம் வென்று அசத்தியுள்ளார். பந்தய தூரத்தை 12.91 நொடிகளில் கடந்து வெண்கலத்தை கைப்பற்றினார்.
![](https://i0.wp.com/itamiltv.com/wp-content/uploads/2023/10/image-38.png?resize=600%2C338&ssl=1)
1,500 மீட்டர் ஓட்டப் பந்தயம் மகளிர் தடகள போட்டியில் இந்திய வீராங்கனை ஹர்மிலன் பெயின்ஸ் வெள்ளிப் பதக்கம் வென்று அசத்தியுள்ளார்.
![](https://i0.wp.com/itamiltv.com/wp-content/uploads/2023/10/image-37.png?resize=575%2C345&ssl=1)